لاہورکالج فار ویمن یونیورسٹی کی طالبہ کو ہراساں کرنےکیخلاف طالبات کا احتجاج

لاہور کالج فار  ویمن یونیورسٹی کی طالبہ کو  ہراساں کرنےکے خلاف  طالبات نے جیل روڈ پر احتجاج کیا۔

طالبات نے مطالبہ کیا کہ وزیراعلیٰ پنجاب مریم نواز  جنسی ہراسگی کے  واقعات کا نوٹس لیں۔ 

طالبات نے الزام لگایا کہ یونیورسٹی انتظامیہ جنسی ہراسگی اور  زیادتی کے واقعات پر خاموش ہے،کل پھر احتجاج کریں گے۔

لاہور: گلبرگ میں نجی کالج کے سکیورٹی گارڈ کی طالبہ سے مبینہ زیادتی

یہ واقعہ کچھ دن پہلے کاہے اور ملزم سکیورٹی گارڈ پولیس تحویل میں ہے جس کی تحقیقات جاری ہیں: پولیس

یونیورسٹی انتظامیہ کا کہنا ہےکہ انٹرمیڈیٹ کی ایک طالبہ نے ایک کلرک کی جانب سے ہراساں کرنےکی درخواست جمع کروائی تھی، درخواست ہراسمنٹ کمیٹی کو  بھیج دی ہے، طالبہ  اور  اس کے والدین کو بلایا ہے۔

وائس چانسلر عظمیٰ قریشی کا کہنا ہےکہ مبینہ واقعے پر سب انجینئر کو معطل کردیا گیا ہے، معطل کیےگئے سب انجینئر کا رویہ غلط ہونے کی شکایات تھیں۔

وائس چانسلر کا کہنا ہے کہ  ہراسگی کی تحقیقات کمیٹی کے سپرد کردی گئی ہیں۔

یونیورسٹی انتظامیہ نے ایک روز کے لیے یونیورسٹی بندکرنےکا نوٹیفکیشن بھی جاری کردیا ہے، انتظامیہ کا کہنا ہےکہ یونیورسٹی تعمیر ومرمت کے لیے 15 اکتوبرکو بند  رہےگی۔