15 اکتوبر ، 2024 
پاکستان
ایف آئی اے کے ترجمان کے مطابق 7 رکنی انکوائری ٹیم کی سربراہی ڈپٹی ڈائریکٹر کر رہے ہیں،فوٹو: فائل
لاہورکےنجی کالج کا واقعہ، ڈس انفارمیشن پھیلانے والوں کیخلاف ایف آئی اے تحقیقات شروع
15 اکتوبر ، 2024
لاہور کے نجی کالج میں طالبہ سے مبینہ زیادتی کے حوالے سے غلط معلومات پھیلانے کے الزام کے معاملے پر ایف آئی اے نے ڈس انفارمیشن کی تحقیقات کے لیے7 رکنی ٹیم بنادی۔
ایف آئی اے کے ترجمان کے مطابق 7 رکنی انکوائری ٹیم کی سربراہی ڈپٹی ڈائریکٹر کر رہے ہیں۔
ترجمان ایف آئی اے کا کہنا ہےکہ ڈس انفارمیشن پھیلانے والوں کے خلاف تحقیقات شروع کردی ہیں۔
ترجمان ایف آئی اے کے مطابق تحقیقات کا آغاز نجی کالج کے پرنسپل کی درخواست پرکیا گیا ہے۔
ترجمان ایف آئی اے کا کہنا ہےکہ ڈس انفارمیشن پھیلانےوالوں کی شناخت اور سزا دلوانےکے لیے تمام وسائل استعمال کیے جائیں گے۔
