16 اکتوبر ، 2024 
عمران آکسفورڈ یونیورسٹی ضوابط کے مطابق چانسلر شپ کے اہل نہیں، معروف قانونی فرم کی رائے
16 اکتوبر ، 2024
لندن: آکسفورڈ یونیورسٹی کی چانسلر شپ کے معاملے پر معروف قانونی فرم میٹرکس چیمبرز کی رائے ہےکہ عمران خان آکسفورڈ یونیورسٹی کے ضوابط کے مطابق چانسلر شپ کے اہل نہیں ہیں۔
سینئرقانون دان ہیوساؤتھی کے مطابق بانی پی ٹی آئی مجرمانہ سزا پانےکے سبب اس عہدے کے اہل نہیں ہیں۔
خیال رہے کہ بانی پی ٹی آئی کے بطور امیدوار آکسفورڈ کونسل کے چیرٹی ریگولیشنزکا جائزہ لیا جارہا ہے۔
میڈیا رپورٹ کے مطابق آکسفورڈ نے بانی پی ٹی آئی کے چانسلر کا انتخاب لڑنے پر قانونی رائے طلب کی ہے۔ آکسفورڈ یونیورسٹی نے بانی پی ٹی آئی کی اہلیت پر رائے کے لیے میٹرکس چیمبر سے رابطہ کیا تھا۔
پالیسی ایڈووکیسی گروپ بیلٹ وےگرڈ نے میٹرکس چیمبرز کے ہیوساؤتھی کی قانونی رائے پرتجزیہ دیا۔
تجزیہ کے مطابق بطور ٹرسٹی خدمات سرانجام دینے والوں سے شفافیت اور ایمانداری کی توقع کی جاتی ہے، بانی پی ٹی آئی کے تناظر میں یہ سوالات اٹھے ہیں کہ کیا وہ ان تقاضوں کو پورا کرتے ہیں، چانسلرسے توقع کی جاتی ہےکہ وہ آکسفورڈ کے عالمی مفادات کی نمائندگی اور اقدار برقرار رکھے، چانسلر سے یہ توقع بھی کی جاتی ہےکہ وہ یہ عہدہ سنبھال کر سیاسی منصب لینے کا ارادہ نہ رکھتا ہو۔
دوسری جانب آکسفورڈ ایلومنائی کمیونٹی آف پاکستان نے کسی بھی امیدوار کی مخالفت یا توثیق کی تردید کردی ہے۔
آکسفورڈ ایلومنائی پاکستان کا کہنا ہےکہ میڈیا میں آئےچند بیانات ہماری اجتماعی آواز کی نمائندگی نہیں کرتے۔
مزید خبریں :
دنیا بھر میں کرسمس تقریبات کا آغاز،گرجا گھروں میں خصوصی عبادات
25 دسمبر ، 2024
