17 اکتوبر ، 2024 
بھارت: گھر کے مالکان کیلئے غلاظت ملاکر آٹا گوندھنے والی ملازمہ پکڑی گئی
17 اکتوبر ، 2024
بھارت کے شہر غازی آباد میں گھریلو ملازمہ کی جانب سے مالکان کے گھر کھانے میں غلاظت ملانے کی ویڈیو سامنے آئی ہے۔
بھارتی میڈیا رپورٹس کے مطابق غازی آباد کی ایک فیملی کے سب ہی افراد کو جگر کے مسائل کی تشخیص ہوئی تھی جو علاج کے باوجود ٹھیک نہیں ہوپارہی تھے۔
میڈیا رپورٹ میں بتایا گیا ہے کہ اہل خانہ کو شک ہوا کہ ان کے لیے تیار کیے جانے والے کھانے میں کوئی گڑ بڑ ہے، اس بات کا پتا لگانے کیلئے بیماری سے پریشان اہل خانہ نے کچن میں اسمارٹ فون نصب کردیا تاکہ یہ دیکھا جاسکے ان کا کھانا کیسے تیار کیا جاتا ہے ؟
فون کے ذریعے ریکارڈ کی گئی ویڈیو سے یہ انکشاف ہوا کہ گھر کی ملازمہ آٹا گوندھنے کیلئے پانی کے بجائے اپنے پیشاب کا استعمال کررہی تھی جو خاموشی سے کچن میں ایک برتن میں غلاظت بھرتی اور پھر اسے آٹا گوندھنے کے لیے استعمال کرتی۔
بھارتی میڈیا رپورٹ میں بتایاگیا ہے کہ ملازمہ گزشتہ 8 سالوں سے متاثرہ خاندان کے گھر میں کام کررہی تھی اور اہل خانہ کا بتانا ہے کہ چند سال قبل انہوں نے اپنے گھر ہونے والی چوری کے باوجود ملازمہ پر شک نہیں کیا تھا۔
ویڈیو سامنے آنے کے بعد اہل خانہ نے ملازمہ کے خلاف مقدمہ درج کراکے اسے گرفتار کروادیا جب کہ دوران تفتیش ملازمہ نے آٹا گوندھنے کیلئے غلاظت ملانے سے انکار کیا۔
نوٹ: ویڈیو نامناسب ہونے کی وجہ سے اس کو خبر میں شامل نہیں کیا گیا ہے۔
مزید خبریں :
سعودی شہزادہ مشعل بن ماجدکی والدہ انتقال کرگئیں
8 گھنٹے پہلے
