21 فروری ، 2013 
بالائی علاقوں میں مزید بارش اور پہاڑوں پر برف باری کا امکان
21 فروری ، 2013
اسلام آباد … آئندہ 24 گھنٹوں کے دوران بالائی علاقوں میں مزید بارش اورپہاڑوں پر برف باری کا امکان ہے، کراچی سمیت وسطی سندھ میں بھی کہیں کہیں بارش ہوگی۔ محکمہ موسمیات کے مطابق اگلے 24 گھنٹوں میں اسلام آباد سمیت بالائی پنجاب، خیبر پختونخوا، کشمیرا ور گلگت بلتستان میں اکثر مقامات پر جبکہ شمال مشرقی بلوچستان اور جنوبی پنجاب میں کہیں کہیں بارش کا امکان ہے۔ اس دوران راولپنڈی، گوجرانوالہ، لاہور، ساہیوال، پشاور، بنوں، کوہاٹ ڈویژن میں موسلادھار بارش کی توقع ہے۔ جمعہ اور ہفتہ کے دوران مری، گلیات، مالاکنڈ، ہزارہ، گلگت بلتستان اور کشمیر میں برف باری کا امکان ہے۔ گزشتہ 24 گھنٹوں میں سب سے زیادہ بارش بنوں میں 33 ملی میٹر ریکارڈ کی گئی۔ پارا چنار منفی 6 ڈگری کے ساتھ سرد ترین مقام رہا۔ استور میں کم از کم درجہ حرارت منفی 4، اسکردو، گوپس منفی3، پشاور، اسلام آباد 9، لاہور 12، اور کراچی میں 17 ڈگری سینٹی گریڈ رہا۔
