کراچی: فلیٹ سےلاشیں ملنےکا واقعہ: ملزم کا ماں، بہن، بھانجی اور بھابھی کو قتل کرنےکا اعتراف

کراچی کے علاقے لی مارکیٹ کے فلیٹ سے ملی چار خواتین کی لاشوں کےکیس کی تفتیش میں پیشرفت سامنے آئی ہے۔

پولیس حکام کے مطابق ملزم بلال نے ماں، بہن، بھانجی اور بھابھی کو قتل کرنےکا اعتراف کرلیا ہے۔ ملزم بلال نے تیز دھار  آلے سے ماں، بہن، بھانجی اور بھابھی کو قتل کیا۔

کراچی میں فلیٹ سے 4 خواتین کی تشدد زدہ اور گلا کٹی ہوئی لاشیں برآمد

واقعہ رہائشی عمارت کے ساتویں منزل کے فلیٹ میں ہوا، چاروں لاشیں الگ الگ کمروں سے ملیں، کرائم سین یونٹ شواہد اکھٹے کر رہا ہے: پولیس

پولیس حکام کے مطابق ملزم بلال اپنی اہلیہ کو بھی طلاق دے چکا ہے۔ ملزم بلال اپنی بہن پر ناجائز تعلقات کا شک کرتا تھا۔ ملزم کے اعتراف جرم کے بعد مقدمہ درج کیا جارہا ہے۔

خیال رہے کہ  رہائشی عمارت کے فلیٹ سے تشدد زدہ 4 خواتین کی گلا کٹی ہوئی لاشیں برآمد ہوئی تھیں، قتل کی گئی خواتین میں ماں، بیٹی، نواسی اور بہو شامل ہیں جن کی عمریں 51، 18، 19اور 13سال ہیں۔

پولیس کا کہنا تھا کہ واقعہ رہائشی عمارت کی ساتویں منزل پر واقع فلیٹ میں پیش آیا، چاروں لاشیں الگ الگ کمروں سے ملیں، چاروں خواتین کو تشدد کے بعد قتل کیا گیا۔