24 اکتوبر ، 2024 
حزب اللہ کا ایک ہفتے کے دوران 70 اسرائیلی فوجی ہلاک کرنے کا دعویٰ
24 اکتوبر ، 2024
بیروت: لبنان کی مزاحمتی تنظیم حزب اللہ نے ایک ہفتے کے دوران 70 اسرائیلی فوجیوں کو ہلاک کرنے کا دعویٰ کیا ہے۔
غیر ملکی خبر رساں ادارے کے مطابق حزب اللہ نے ایک بار پھر وسطی اسرائیل پر میزائل حملے کیے۔
دوسری جانب اسرائیل نے لبنانی دارالحکومت بیروت پر شدید بمباری کی اور 17 فضائی حملے کردیے، اس دوران بغیر پیشگی وارننگ 6 عمارتیں بم مارکر ملبے کا ڈھیر بنادی گئیں۔
ادھر شامی دارالحکومت دمشق کے مرکز میں ایک عمارت پر بھی اسرائیل نے حملہ کیا ہے۔
غزہ میں اسرائیلی فوج کی بمباری سے مزید 42 فلسطینی شہیدہوگئے، اسرائیلی فوج نے جبالیہ میں الیمن اسپتال کے قریب ڈرون حملہ کرکے پولیس سربراہ کو بھی شہید کردیا۔
حال ہی میں آسٹریلوی میڈیا نے اپنی تحقیقاتی رپورٹ میں دعویٰ کیا ہے کہ غزہ میں شہید ہونے والے فلسطینیوں کی اصل تعداد بہت زیادہ ہے، غزہ میں لگ بھگ 2 لاکھ فلسطینی شہید ہوچکے ہیں۔
مزید خبریں :
ایلون مسک کی دولت ریکارڈ 348 ارب ڈالرز تک پہنچ گئی
9 گھنٹے پہلے
