25 اکتوبر ، 2024 
پاکستان
چند رہنماؤں کی پارٹی میں واپسی کیلئے کوششیں، فیصل چوہدری کو عمران خان کے کیسز سے الگ کردیا گیا
25 اکتوبر ، 2024
پاکستان تحریک انصاف نے سابق وفاقی وزیر فواد چوہدری کے بھائی فیصل چوہدری کو لیگل ٹیم سے الگ کردیا۔
ذرائع پی ٹی آئی کے مطابق فیصل چوہدری کو پی ٹی آئی وکلا کے واٹس ایپ گروپس سے نکال دیا گیا۔
ذرائع نے بتایاکہ فیصل چوہدری اور انتظارپنجوتھا چند رہنماؤں کی پارٹی میں واپسی کیلئےکوشاں تھے اور ڈی چوک احتجاج سے متعلق فیصل چوہدری نے بانی پی ٹی آئی عمران خان کو شکایت لگائی تھی۔
ذرائع کا کہنا ہے کہ فیصل چوہدری اورانتظار پنجوتھا مشاورت کے بغیر ملاقاتوں پر کام کر رہے تھے، فیصل چوہدری کو بانی پی ٹی آئی کے تمام کیسز سے الگ کر دیا گیا۔
خیال رہے کہ گزشتہ روز فیصل چوہدری، سلمان اکرم راجا اور شعیب شاہین نے جیل میں عمران خان سے ملاقات کی تھی۔
مزید خبریں :
کراچی میں خلع کیسز دائر کرنے کی تعداد دگنا ہوگئی
5 گھنٹے پہلے
لاہور ہائیکورٹ کا عمر قید کے ملزم کو رہا کرنے کا حکم
10 گھنٹے پہلے
