26 اکتوبر ، 2024 
ورلڈ کلچر فیسٹیول کا 30 واں روز، فلسطین اور عرب اسپرنگ کی داستانیں پیش کی گئیں
26 اکتوبر ، 2024
آرٹس کونسل کراچی میں جاری 38 روزہ ورلڈ کلچر فیسٹیول کے 30 ویں روز دو بین الاقوامی گروپس نے پرفارمنس پیش کیں، سرزمین فلسطین اور عرب اسپرنگ کے حالات کو داستانوں میں ڈھالا گیا۔
جنگ اور جیو کے اشتراک سے آرٹس کونسل کراچی جاری ورلڈ کلچر فیسٹیول کے دوران آڈیٹوریم میں کہیں روسی اور برطانوی فنکار ہیں تو کہیں ناروے اور سوئٹزرلینڈ سمیت دیگربین الاقوامی گروپس نے نشتیں سنبھالے رکھیں۔
ورلڈ کلچر فیسٹیول کے 30 ویں روز بیلجیئم سے آئے مراکش، تیونس اور عراقی نژاد فنکاروں نے عرب اسپرنگ کی یادوں کو کریدنے کی کوشش کی۔
بیلجیئم گروپ نے ڈراما "Body Revolution" میں عرب اسپرنگ کے دوران میڈیا کے کردار اور اس کے اثرات کو جسمانی حرکات اور رقص کے ذریعے پیش کیا۔
فنکاروں نے خوف، تشدد اور بے چینی جیسے احساسات کو محسوس کروایا، غیرملکی فنکاروں نے ورلڈ کلچر فیسٹیول کو ثقافت کا سفیر قرار دیا۔
فلسطینی تھیٹرآرٹسٹ احمد نے ڈراما "And Here I Am" میں فلسطین کے المیوں، مزاحمت اور آزادی کی تلاش پرمبنی کھیل دکھایا۔ دوستوں، محبتوں اور مہاجر کیمپوں کی داستان سنانے کے دوران فلسطینی آرٹسٹ نے قہقہے کھود کر آہ نکالی۔
اسرائیلی جیل، مظاہرے اور پتھروں سے دشمن کا مقابلہ کرتے احمد نے تنہا اسٹیج پرفارمنس سے ماحول میں فلسطین کے المیوں کی تصویر کھینچی۔
عالمی ثقافتی میلے کے 31 ویں دن اسپین اور جرمنی کے تھیٹر فنکار اپنی اپنی ثقافتوں کے پھول مہکائیں گے۔
مزید خبریں :
بھارتی اداکار کی لاش ہوٹل کے کمرے سے برآمد، تحقیقات شروع
30 دسمبر ، 2024
