31 اکتوبر ، 2024 
اسرائیلی شہر حیفا پر حزب اللہ کا راکٹ حملہ، 2 اسرائیلی ہلاک
31 اکتوبر ، 2024
اسرائیلی شہر حیفا پر حزب اللہ کے راکٹ حملے میں 2 اسرائیلی ہلاک ہوگئے۔
اسرائیلی میڈیا کے مطابق حزب اللہ کی جانب سے آج دوپہر اسرائیلی شہر حیفا اور اس کے اطراف میں راکٹ حملہ کیا گیا۔
اسرائیلی فوج نے اپنے بیان میں کہا ہے کہ حزب اللہ نے حیفا شہر پر 25 راکٹ داغے جن میں کچھ کو فضا میں تباہ کردیا گیا جبکہ دیگر راکٹ حیفا کے مضافات میں گرے۔
راکٹ گرنے سے 2 اسرائیلی ہلاک اور ایک زخمی ہوگیا۔
اس سے قبل حزب اللہ نے لبنان کی سرحد کے ساتھ اسرائیلی بستی المطلہ کو راکٹوں سے نشانہ بنایا تھا جس کے نتیجے میں 5 افراد ہلاک ہوگئے تھے، ہلاک ہونے والوں میں ایک اسرائیلی اور 4 غیر ملکی شامل تھے۔
اسرائیلی میڈیا کے مطابق آج اسرائیل پر حزب اللہ کے راکٹ حملوں کے نتیجے میں مجموعی طور پر 7 افراد ہلاک ہوئے۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
23 نومبر ، 2024
غزہ پر اسرائیلی بمباری سے مزید 38 فلسطینی شہید
23 نومبر ، 2024
