01 نومبر ، 2024 
کراچی: نیو گولیمار میں پولیس اہلکار سے لوٹ مار، اہلکار نے دونوں ڈاکو ماردیے
01 نومبر ، 2024
کراچی: نیو گولیمار پوسٹ آفس کے قریب مبینہ مقابلے میں 2 اسٹریٹ کرمنلز ہلاک ہوگئے۔
پولیس کے مطابق نیوگولیمار پوسٹ آفس کے قریب 2 ڈاکو بابر نامی پولیس اہلکارکو لوٹ رہے تھے جس دوران پولیس اہلکار نے ڈاکوؤں پر فائرنگ کردی۔
پولیس اہلکار کی فائرنگ سے دونوں ڈاکو موقع پر ہلاک ہوگئے جب کہ پولیس اہلکار بابر ٹانگ پر گولی لگنے سے زخمی ہوگیا، زخمی اہلکار ایس ایس پی ساؤتھ آفس میں تعینات ہے اور اب اسپتال میں زیر علاج ہے۔
دوسری جانب کراچی کے مختلف علاقوں میں پولیس مقابلوں کے دوران 4 زخمیوں سمیت 6 ملزمان کو گرفتار کرلیاگیا۔
پولیس کا بتانا ہے کہ لیاقت آباد،ندی کنارہ کے قریب پولیس مقابلے میں 2 ڈاکوؤں اصفہان اور انس کو زخمی حالت میں اسلحہ اور موٹر سائیکل سمیت گرفتار کیا گیا۔
علاوہ ازیں شاہراہ فیصل پر عوامی مرکز کے قریب فاسٹ ٹریک پر ڈاکو نے شہری کو اسلحہ دکھا کر اس کا موبائل فون لوٹ لیا۔
مزید خبریں :
مظفر گڑھ: نرس سے زیادتی کی کوشش کرنیوالا مرکزی ملزم گرفتار
29 اکتوبر ، 2024
