03 نومبر ، 2024 
ایک ٹن سے زیادہ وزنی دنیا کا سب سے بڑا مگرمچھ مرگیا
03 نومبر ، 2024
آسٹریلیا میں موجود دنیا کا سب سے بڑا اور بھاری بھرکم مگر مچھ اپنی عمر پوری کرکے طبعی موت چل بسا۔
غیر ملکی میڈیا کے مطابق آسٹریلیا کی ایک وائلڈ لائف سینکچری کی جانب سے بتایا گیا ہے کہ عالمی ریکارڈ رکھنے والے اس مگرمچھ کو دنیا کا سب سے بڑا مگر مچھ قرار دیا گیا تھا۔
میڈیا رپورٹس کے مطابق یہ مگر مچھ وائلڈ لائف سینکچری میں موجود تھا، اس مگر مچھ کا نام کیسیئس رکھا گیا تھا، اس کی عمر 110 سال تھی جب کہ یہ 18 فٹ لمبا ہونے کے ساتھ ساتھ ایک ٹن سے بھی زیادہ وزنی تھا۔
مگر مچھوں کی دیکھ بھال کرنے والے ادارے میرین لینڈ میلانیزیا کروکوڈائل ہیبیٹیٹ نے فیس بک پوسٹ میں کہا کہ 15 اکتوبر سے اس کی صحت مسلسل گرتی جارہی تھی کیونکہ وہ بہت بوڑھا ہوچکا تھا اور خیال کیا جارہا تھا کہ یہ جنگلی مگرمچھ کی اوسط عمر سے زیادہ زندگی گزار چکا تھا۔
میڈیا رپورٹس کے مطابق کیسیئس نمکین پانی کا مگرمچھ تھا، جس نے دنیا کے سب سے بڑے مگرمچھ کے طور پر گنیز ورلڈ ریکارڈ کا اعزاز حاصل کیا۔
اس نے یہ اعزاز 2013 میں فلپائن کے مگرمچھ لولونگ کی موت کے بعد حاصل کیا، جس کی لمبائی 20 فٹ 3 انچ تھی۔
مزید خبریں :
ویڈیو: کراچی کے علاقے گارڈن میں بندر مکان کی چھت پر چڑھ گیا
20 نومبر ، 2024
دبئی میں چوبیس قیراط سونے کی الیکٹرک کار قرعہ اندازی کے لیے پیش
19 نومبر ، 2024
