04 نومبر ، 2024 
تھریڈز کو ہر ماہ استعمال کرنے والے افراد کی تعداد ساڑھے 27 کروڑ سے زائد ہوگئی
04 نومبر ، 2024
میٹا نے 5 جولائی 2023 کو ایکس (ٹوئٹر) کے مقابلے پر اپنا سوشل میڈیا پلیٹ فارم تھریڈز متعارف کرایا تھا۔
اب تھریڈز کو سوا سال سے زائد عرصہ مکمل ہوچکا ہے اور اس کے ماہانہ صارفین کی تعداد ساڑھے 27 کروڑ سے زائد ہوگئی ہے۔
اس بات کا اعلان انسٹا گرام اور تھریڈز کے سربراہ ایڈم موسیری کی جانب سے ایک سوشل میڈیا پوسٹ پر کیا گیا۔
انہوں نے بتایا کہ تھریڈز کو ہر ماہ استعمال کرنے والے صارفین کی تعداد 27 کروڑ 50 لاکھ سے زائد ہوگئی ہے۔
اس عرصے میں تھریڈز کے صارفین کی تعداد میں مستحکم انداز سے اضافہ ہوا ہے مگر آغاز میں جتنی تیزی سے لوگوں نے اس سوشل میڈیا پلیٹ فارم کا رخ کیا تھا، اب وہ اشتیاق نظر نہیں آتا۔
مگر اب بھی اس کے صارفین کی تعداد میں کافی تیزی سے اضافہ ہو رہا ہے، اپریل 2024 میں یہ تعداد 15 کروڑ جبکہ اگست میں 20 کروڑ تک پہنچی تھی اور اب ساڑھے 27 کروڑ سے زائد ہوگئی ہے۔
یعنی محض 3 ماہ میں تھریڈز کی تعداد میں ساڑھے 7 کروڑ سے زائد کا اضافہ ہوا ہے۔
البتہ میٹا کی جانب سے کبھی یہ نہیں بتایا گیا کہ تھریڈز کو روزانہ کتنے افراد استعمال کرتے ہیں، حالانکہ یہ کمپنی فیس بک، واٹس ایپ اور انسٹا گرام کو روزانہ استعمال کرنے والوں کے بارے میں اکثر تفصیلات جاری کرتی رہتی ہے۔
اکتوبر 2024 کے آخر میں میٹا کے چیف ایگزیکٹو مارک زکربرگ نے کمپنی کی تیسری سہ ماہی رپورٹ جاری کرتے ہوئے کہا تھا کہ روزانہ 10 لاکھ افراد تھریڈز کے نئے صارف بن رہے ہیں۔
خیال رہے کہ دنیا بھر میں ایکس کو روزانہ استعمال کرنے والے افراد کی تعداد 55 کروڑ سے زائد ہے۔
مزید خبریں :
مائیکرو سافٹ نے ونڈوز 11 کیلئے ونڈوز ہیلو کو ری ڈیزائن کر دیا
04 نومبر ، 2024
فون یا کمپیوٹر پر جی میل کی ای میلز شیڈول کرنے کا طریقہ جانیں
04 نومبر ، 2024
انسٹا گرام کا ڈائریکٹ میسجز کو اپ گریڈ کرنے کا فیصلہ
03 نومبر ، 2024
گوگل میپس میں نئے اے آئی فیچرز کا اضافہ
03 نومبر ، 2024
آئی فون 17 پرومیکس کی لیکس نے صارفین کی بے چینی بڑھادی
02 نومبر ، 2024
گوگل کے مقابلے پر چیٹ جی پی ٹی کا سرچ انجن سامنے آگیا
01 نومبر ، 2024
چین کی پہلی سویلین خاتون خلا باز اسپیس اسٹیشن پہنچنے میں کامیاب
01 نومبر ، 2024
