05 نومبر ، 2024 
گوگل کا نیا اے آئی ماڈل جو آپ کی خراب لکھائی کو ڈیجیٹل ٹیکسٹ میں تبدیل کرسکتا ہے
05 نومبر ، 2024
گوگل نے ایک ایسا نیا آرٹی فیشل انٹیلی جنس (اے آئی) ماڈل تیار کیا ہے جو آپ کی ہاتھ سے لکھی تحریر کو ڈیجیٹل ٹیکسٹ میں تبدیل کر دیتا ہے۔
انسائیٹ نامی یہ اے آئی ماڈل آپ کے ہاتھ کی خراب لکھائی والی تصویر کو اسکین کرکے اس پر موجود ٹیکسٹ کو ڈیجیٹل بنا دیتا ہے۔
اس ماڈل کو ایسی تربیت دی گئی ہے جس سے وہ تحریر کو پڑھ کر الفاظ کو شناخت کرسکتا ہے۔
ڈویلپرز نے دعویٰ کیا کہ کاغذات پر موجود تحریروں یا خراب روشنی والی تصاویر سے بھی یہ ٹول ٹیکسٹ اٹھا سکتا ہے۔
یعنی آپ کسی بھی دستاویز کو اس کے ذریعے ایڈٹ کرسکتے ہیں جبکہ اس پر لکھی اصل تحریر کے الفاظ ڈیجیٹل شکل میں بھی محفوظ رہیں گے۔
آسان الفاظ میں یہ آپ کی تحریروں کا آن لائن دستیاب ورژن ثابت ہوگا۔
کمپنی کے مطابق یہ ٹول ایسے ورکرز کے لیے بہترین ثابت ہوگا جن کو اسکینرز یا دیگر خصوصی آلات تک رسائی حاصل نہیں ہوتی۔
ابھی اس ٹیکنالوجی پر تحقیقی کام جاری ہے مگر اب تک کے نتائج کافی حوصلہ افزا ثابت ہوئے ہیں۔
گوگل کی ٹیم نے تجربات کے دوران دریافت کیا کہ یہ اے آئی ماڈل ٹیکسٹ کو پڑھ کر ڈیجیٹل شکل میں 87 فیصد حد تک درست کام کرتا ہے۔
ابھی اسے اے آئی ماڈل کو عام صارفین کے لیے جاری نہیں کیا جا رہا مگر مستقبل قریب میں ایسا ممکن ہو جائے گا۔
مزید خبریں :
مائیکرو سافٹ نے ونڈوز 11 کیلئے ونڈوز ہیلو کو ری ڈیزائن کر دیا
04 نومبر ، 2024
فون یا کمپیوٹر پر جی میل کی ای میلز شیڈول کرنے کا طریقہ جانیں
04 نومبر ، 2024
انسٹا گرام کا ڈائریکٹ میسجز کو اپ گریڈ کرنے کا فیصلہ
03 نومبر ، 2024
گوگل میپس میں نئے اے آئی فیچرز کا اضافہ
03 نومبر ، 2024
آئی فون 17 پرومیکس کی لیکس نے صارفین کی بے چینی بڑھادی
02 نومبر ، 2024
گوگل کے مقابلے پر چیٹ جی پی ٹی کا سرچ انجن سامنے آگیا
01 نومبر ، 2024
