11 نومبر ، 2024 
جاپانی سائنسدان لچکدار سولر سیلز تیار کرنے میں کامیاب
11 نومبر ، 2024
جاپانی سائنسدانوں نے ایسے لچکدار سولر پینل کی تیاری میں پیشرفت کی ہے جس کو مستقبل میں وئیر ایبل ڈیوائسز کے لیے استعمال کیا جاسکے گا۔
جاپان کے Riken ریسرچ انسٹیٹیوٹ کے ماہرین نے لچکدار سولر سیلز کی تیاری پر کام کیا ہے۔
ماہرین کے مطابق یہ پلاسٹک بیگ جیسا ہوگا جسے کافی حد تک کھینچا جاسکے گا۔
انہوں نے لچکدار سولر سیلز کی تیاری کے لیے ION E نامی مرکب کو استعمال کیا۔
انہوں نے یہ مرکب سولر سیل کی الیکٹروڈ لیئر میں شامل کیا جس سے اس کی لچک بڑھ گئی جبکہ بجلی بنانے کی صلاحیت پر کوئی اثرات بھی مرتب نہیں ہوئے۔
تحقیقی ٹیم نے دریافت کیا کہ اس طریقہ کار سے توانائی پیدا کرنے کی 95 فیصد صلاحیت برقرار رہی۔
ماہرین نے بتایا کہ اب وہ زیادہ بڑے لچکدار سولر سیل تیار کرنے کی منصوبہ بندی کر رہے ہیں۔
اگر انہیں کامیابی حاصل ہوئی تو ایسی جدید ترین وئیر ایبل ڈیوائسز کی تیاری ممکن ہو جائے گی جن کو شمسی توانائی سے پاور فراہم کی جاسکے گی۔
ایسی ڈیوائسز کو ری چارج کرنے کی ضرورت بھی نہیں رہے گی یا بہت کم چارج کرنا پڑے گا جس سے بجلی کے استعمال میں کمی لانے میں بھی مدد ملے گی۔
اس حوالے سے تحقیق کے نتائج جرنل نیچر کمیونیکیشنز میں شائع ہوئے۔
مزید خبریں :
پاکستان کا روور تحقیق کیلئے چینی مشن کیساتھ چاند پر جائےگا
13 نومبر ، 2024
واٹس ایپ چیٹس کے لیے کارآمد فیچر صارفین کو دستیاب
13 نومبر ، 2024
ایپل کا نیا آئی فون ایس ای 4 مارچ میں متعارف کرائے جانے کا امکان
13 نومبر ، 2024
گوگل میپس میں فضائی معیار جاننے میں مددگار نئے فیچر کا اضافہ
13 نومبر ، 2024
یوٹیوب میں ایسی تبدیلی جو ویڈیوز دیکھنے کے تجربے کو بدل دے گی
12 نومبر ، 2024
جی میل میں بہترین فیچر صارفین کے لیے متعارف
12 نومبر ، 2024
گوگل سرچ میں ایک بہترین اے آئی فیچر صارفین کیلئے متعارف
10 نومبر ، 2024
گوگل میپس کا ایسا نیا فیچر جو آپ کو ضرور پسند آئے گا
10 نومبر ، 2024
مائیکرو سافٹ نوٹ پیڈ میں اے آئی فیچر کا اضافہ
08 نومبر ، 2024
