13 نومبر ، 2024 
سلمان خان کو دھمکی دے کر 5 کروڑ مانگنے والا نغمہ نگار گرفتار
13 نومبر ، 2024
بالی وڈ سپر اسٹار سلمان خان کو دھمکی آمیزپیغام بھیجنےکےالزام میں مزید ایک شخص کو گرفتارکرلیا گیا۔
بھارتی میڈیا کے مطابق مقامی پولیس نے بتایا ہےکہ ملزم نغمہ نگار ہے جس پر الزام ہے کہ اس نے اداکار سلمان خان سے 5 کروڑ بھارتی روپے گینگسٹر کے نام پرطلب کیے تھے۔
پولیس کے مطابق ملزم نےاپنے گانےکی مشہوری کےلیےدھمکی آمیزپیغامات بھیجے تھے اور حالیہ مہینوں کے دوران سلمان خان کوکم ازکم 4 دھمکی آمیزپیغامات ملے ہیں۔
واضح رہے کہ اس سے قبل بھی سلمان خان کو قتل کی دھمکیاں دے کر تاوان مانگنے والے افراد کو پولیس نے گرفتار کیا ہے۔
دوسری جانب بھارت کا بدنام زمانہ لارنس بشنوئی گینگ سلمان خان کو متعدد بار جان سے مارنے اور کروڑوں روپے تاوان کی دھمکیاں دے چکا ہے جب کہ سلمان خان کے قریبی دوست و سیاست دان بابا صدیقی کو بھی لارنس بشنوئی گینگ نے ہی قتل کیا۔
