14 نومبر ، 2024 
انسٹا گرام میں اے آئی پروفائل فوٹو تیار کرنے والا فیچر متعارف کرائے جانیکا امکان
14 نومبر ، 2024
میٹا کی جانب سے حالیہ مہینوں میں اپنے سوشل میڈیا پلیٹ فارمز میں آرٹی فیشل انٹیلی جنس (اے آئی) فیچرز کو شامل کرنے کے لیے کافی کام کیا جا رہا ہے۔
اب ایک نئی رپورٹ میں بتایا گیا کہ انسٹا گرام میں ایک نیا فیچر متعارف کرایا جا رہا ہے جس سے صارفین اپنی پروفائل فوٹو اے آئی ٹیکنالوجی کی مدد سے تیار کرسکیں گے۔
ایک ڈویلپر Alessandro Paluzzi نے اس نئے فیچر کے بارے میں بتایا۔
انہیں اس فیچر کا علم اس وقت ہوا جب وہ انسٹا گرام پر اپنی پروفائل فوٹو تبدیل کر رہے تھے۔
اس فیچر کو Create an AI profile picture کا نام دیا گیا ہے اور ڈویلپر کی جانب سے ایکس (ٹوئٹر) پر اس کا اسکرین شاٹ بھی شیئر کیا گیا۔
انہوں نے بتایا کہ انسٹا گرام کی جانب سے اے آئی پروفائل پکچر کی تیاری میں مدد فراہم کرنے والے فیچر پر کام کیا جار ہا ہے۔
اس بارے میں زیادہ تفصیلات تو موجود نہیں مگر ممکنہ طور پر یہ فیچر میٹا کے لاما اے آئی ماڈل پر مبنی ہوگا۔
ابھی انسٹا گرام میں صارفین ڈیوائس سے کسی تصویر کو اپ لوڈ کرکے پروفائل فوٹو کے طور پر استعمال کرتے ہیں۔
مگر اس نئے اے آئی فیچر سے صارفین کو زیادہ تفصیلی اور تخلیقی پروفائل فوٹو تیار کرنے میں مدد ملے گی۔
واضح رہے کہ ابھی کمپنی کی جانب سے اس فیچر کی تردید یا تصدیق نہیں کی گئی تو یہ کہنا مشکل ہے کہ اسے کب تک متعارف کرایا جاسکتا ہے۔
مزید خبریں :
میٹا نے فیس بک میسنجر میں متعددد نئے فیچرز متعارف کرا دیے
24 نومبر ، 2024
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
