28 اکتوبر ، 2024 
میٹا نے انسٹا گرام میں خاموشی سے اہم تبدیلی کردی
28 اکتوبر ، 2024
میٹا نے خاموشی سے انسٹا گرام میں ایک اہم تبدیلی کر دی ہے۔
انسٹا گرام کے سربراہ ایڈم موسیری نے اس تبدیلی کا انکشاف کیا۔
انہوں نے بتایا کہ انسٹا گرام میں کچھ ویڈیوز کی کوالٹی کو دانستہ طور پر کم کر دیا جاتا ہے۔
یعنی اگر آپ کی ویڈیوز انسٹا گرام پر دھندلی نظر آرہی ہیں اور دیگر افراد کی ویڈیوز بہترین تو ایسا کمپنی کی جانب سے کیا جا رہا ہے۔
درحقیقت کمپنی کی جانب سے ویڈیوز کے معیار کا تعین اس بات کو مدنظر رکھ کر کیا جاتا ہے کہ اس کے ویوز کتنے ہیں۔
ایک ویڈیو میں ایڈم موسیری نے اس بارے میں وضاحت کرتے ہوئے بتایا کہ ہم معیاری ویڈیوز کو اپنے پلیٹ فارم پر دیکھنا چاہتے ہیں، مگر جب کسی ویڈیو کو کافی وقت سے نہیں دیکھا جاتا تو ہم اس کی کوالٹی کم کر دیتے ہیں۔
انہوں نے مزید بتایا کہ اگر پھر اس ویڈیو کو دوبارہ بہت زیادہ دیکھا جاتا ہے تو ہم اسے دوبارہ ہائی کوالٹی میں تبدیل کر دیتے ہیں۔
ان کا کہنا تھا کہ ایسا ہمارے پلیٹ فارم میں لوگوں کو بہترین مواد دکھانے کے لیے کیا جاتا ہے۔
بعد ازاں ایک تھریڈز پوسٹ میں ایڈم موسیری نے بتایا کہ انسٹا گرام کے متعدد وسائل ایسے صارفین کی ویڈیوز کے لیے مختص کیے جاتے ہیں جن کو بہت زیادہ دیکھا جاتا ہے۔
انہوں نے کہا کہ معیار میں تبدیلی زیادہ اہم نہیں کیونکہ لوگ ویڈیو کے معیار کی بجائے اس کے مواد کو زیادہ ترجیح دیتے ہیں۔
مزید خبریں :
صارفین کیلئے مفت واٹس ایپ سروس اپنے لیے پیسہ کیسے کماتی ہے؟
26 اکتوبر ، 2024
واٹس ایپ چیٹس کیلئے ایک دلچسپ فیچر کا اضافہ
25 اکتوبر ، 2024
دنیا کا پہلا ائیرپورٹ جسے جدید ٹیکنالوجی سے پاسپورٹ فری بنا دیا گیا
25 اکتوبر ، 2024
ایپل کے سستے ترین آئی فون کو متعارف کرانے کی ممکنہ تاریخ سامنے آگئی
24 اکتوبر ، 2024
