18 نومبر ، 2024 
ملکی آئی ٹی ایکسپورٹ میں 34 فیصد اضافہ، 4 ماہ میں 1 ارب 20 کروڑ ڈالر کی برآمدات کی گئیں
18 نومبر ، 2024
کراچی: رواں مالی سال کے ابتدائی 4 ماہ میں ملکی آئی ٹی برآمدات 1 ارب 20 کروڑ ڈالر تک پہنچ گئیں۔
اسٹیٹ بینک کے مطابق ملکی آئی ٹی شعبے نے رواں مالی سال کے ابتدائی چار مہینوں میں ایک ارب 20 کروڑ ڈالر کی خدمات برآمد کی ہیں۔
پاکستان کی آئی ٹی برآمدات اکتوبر میں 33 کروڑ ڈالر رہیں جو ستمبر سے 13 فیصد زائد رہیں۔ پاکستان کا آئی ٹی شعبہ گزشتہ 12 مہینوں سے اوسطاً ماہانہ تقریباً 29 کروڑ ڈالر کی خدمات برآمد کررہا ہے۔ برآمدات میں اضافے کے ساتھ پاکستانی کمپنیوں نے اپنی عالمی کلائنٹس کی تعداد بھی بڑھائی ہے۔
آئی ٹی ایکسپورٹ میں اضافے کی وجہ اسٹیٹ بینک کی پالیسیوں کو قرار دیا جارہا ہے۔ماہرین توقع کررہے ہیں کہ آئی ٹی شعبے کی برآمدات بڑھنے کا مثبت رجحان مالی سال 2025 میں جاری رہےگا۔ اندازے ہیں کہ ملکی آئی ٹی برآمدات رواں مالی سال دس سے 15 فیصد بڑھ کر ساڑھے 3 سے پونے 4 ارب ڈالر ہوں گی۔
وزیر مملکت برائے آئی ٹی شزہ فاطمہ نے برآمدات میں اضافے پرکہا ہےکہ مالی سال کے پہلے4 مہینوں میں آئی ٹی کی برآمدات میں 34.9 فیصد اضافہ ہوا ہے۔ جولائی تا اکتوبر آئی ٹی برآمدات 1.206 ارب ڈالر تک پہنچ گئی ہیں۔گزشتہ مالی سال اسی عرصے میں آئی ٹی برآمدات 894 ملین ڈالر تھیں۔
شزہ فاطمہ کا کہنا ہےکہ وزیراعظم کی ہدایت پر آئی ٹی برآمدات میں اضافےکے لیے اقدامات جاری ہیں۔ وزارت آئی ٹی اور پاکستان سافٹ ویئر ایکسپورٹ بورڈ برآمدات بڑھانے کے لیےکوشاں ہے۔ آئی ٹی انڈسٹری بھی برآمدات بڑھانےکے لیےکوشاں ہے۔
مزید خبریں :
انٹربینک میں ڈالر مہنگا ہوگیا
2 گھنٹے پہلے
اکتوبر میں ماہانہ لحاظ سے ترسیلات زر میں 7 فیصد اضافہ
10 گھنٹے پہلے
توانائی کے شعبے میں گردشی قرضے کا جال پاکستان کیلئے بڑا چیلنج
18 نومبر ، 2024
پاکستان کی پیٹرولیم مصنوعات کی مجموعی درآمدات میں کمی
17 نومبر ، 2024
ملکی غذائی اجناس کی برآمدات میں مسلسل چوتھے ماہ اضافہ ریکارڈ
17 نومبر ، 2024
ملک میں سونےکی قیمت میں کمی، فی تولہ قیمت کیا ہوگئی؟
16 نومبر ، 2024
