20 نومبر ، 2024 
ورلڈکپ سے دستبرداری کے بعد بھارتی بلائنڈ کرکٹ ایسوسی ایشن کا ورلڈ بلائنڈ کرکٹ کو خط
20 نومبر ، 2024
بھارتی بلائنڈ کرکٹ ایسوسی ایشن نے بلائنڈ ٹی ٹوئنٹی ورلڈکپ میں عدم شرکت سے متعلق ورلڈ بلائنڈ کرکٹ کو خط لکھ دیا۔
بھارتی بلائنڈ کرکٹ ایسوسی ایشن (سی اے بی آئی) کی جانب سے لکھے گئے خط میں کہا گیا ہے کہ بھارتی حکومت نے پاکستان میں ہونے والے ایونٹ میں شرکت کی کلیئرنس نہیں دی لہٰذا ہمیں افسوس ہے کہ بھارتی بلائنڈ ٹیم بلائنڈ ٹی ٹوئنٹی ورلڈکپ میں شرکت نہیں کرے گی۔
خط میں بھارتی بلائنڈ کرکٹ ایسوسی ایشن کا مؤقف ہے کہ ٹورنامنٹ کے لیے تمام تیاریاں مکمل کر رکھی تھیں، ہماری نیک خواہشات منتظمین کے ساتھ ہیں۔
واضح رہے کہ بلائنڈ ٹی ٹوئنٹی ورلڈکپ 23 نومبر سے لاہور میں شروع ہورہا ہے لیکن بھارتی حکومت نے بلائنڈ کرکٹ ٹیم کو ٹی ٹوئنٹی ورلڈکپ میں شرکت کرنے کے لیے این او سی دینے سے انکار کردیا تھا۔
مزید خبریں :
بھارت پاکستان میں ہونیوالے بلائنڈ ٹی ٹوئنٹی ورلڈ کپ سے دستبردار
19 نومبر ، 2024
