25 فروری ، 2013 
میانمر کے صدر پہلے غیر ملکی دورے پر روانہ
25 فروری ، 2013
ینگون… میانمر کے صدر تھین سین اپنے پہلے غیر ملکی دورہ پر روانہ ہوگئے ۔ان کے دورے کا مقصد میانمر کے مغرب کے ساتھ تعلقات کو مضبوط تر بنانا ہے۔ سرکاری ذرائع کے مطابق صدر تھین سین اپنے دورے کے آغاز پر آج ناروے پہنچیں گے۔ اس کے بعد فن لینڈ، آسٹریا، بیلجیم اور اٹلی کا دورہ کر کے وہاں کی قیادت سے ملاقاتیں اور مستقبل میں بہتر تجارتی و سیاسی تعلقات کے حوالہ سے تبادلہ خیال کریں گے۔ انہوں نے بتایاکہ 2011ء کے اوائل میں برسراقتدار آنے کے بعد صدر تھین سین کا یورپی ممالک کا یہ پہلا دورہ ہے۔ یاد رہے کہ صدر تھین سین کی جانب سے برسراقتدار آنے کے بعد اقتصادی اصلاحات اور اپوزیشن رہنما آنگ سان سوچی سمیت سیاسی مخالفین کی رہائی جیسے اقدامات کو یورپ سمیت دنیا بھر کے متعدد ممالک نے بہت سراہا ہے۔
مزید خبریں :
سلمان بھوجانی ٹیکساس اسمبلی کے دوبارہ رکن منتخب
1 گھنٹے پہلے
امریکی صدارتی انتخابات: کونسی ریاست میں پولنگ کس وقت ختم ہوگی؟
06 نومبر ، 2024
