21 نومبر ، 2024 
شاہ رخ نہ سلمان، بھارت میں سب سے مقبول اداکار کون؟ فہرست جاری
21 نومبر ، 2024
بھارت کی ساؤتھ کی فلم انڈسٹری کے اداکاروں نے معاوضے ، فلم کے بزنس کے بعد اب عوام میں مقبولیت میں بھی بالی وڈ کے بڑے ناموں کو پیچھے چھوڑ دیا ہے۔
بھارتی میڈیا رپورٹس کے مطابق ساؤتھ فلم انڈسٹری کے سپر اسٹار پربھاس فلم 'کلکی 2898 اے ڈی' کی شاندار کامیابی کے بعد بھارت میں سب سے مقبول اداکار بن گئے۔
انہوں نے شاہ رخ خان، سلمان خان اور امیتابھ بچن جیسے بڑے سپر اسٹارز کو پیچھے چھوڑ دیا۔
بھارتی میڈیا کے مطابق بدھ کو ملک کی پیشہ ورانہ میڈیا فرم اورمیکس نے 'اسٹارز انڈیا لووز' اکتوبر کے سب سے مقبول اداکاروں کی فہرست جاری کی جس میں پربھاس کا پہلا نمبر تھا۔
اداکار وجے اس فہرست میں دوسرے نمبر پر رہے جبکہ شاہ رخ خان تیسرے ، جونیئر این ٹی آر چوتھے اور اجیت کمار پانچویں نمبر پر رہے۔
اداکار الو ارجن جو جلد ہی فلم پشپا 2 میں نظر آئیں گے، اس فہرست میں چھٹے نمبر پر ہیں۔
اس کے علاوہ مہیش بابو ساتویں، سوریا آٹھویں اور رام چرن نویں پوزیشن پر ہیں۔
سلمان خان، جن کی آخری فلم 2023 میں ریلیز ہوئی تھی،ان کا نمبر10واں رہا۔
مزید خبریں :
ماں کے ہندو ہونے کے باوجود اے آر رحمان نے اسلام کیوں قبول کیا؟
20 نومبر ، 2024
