پاکستان
29 فروری ، 2012
29 فروری ، 2012 
پی پی اور ق لیگ کے امیدوار سینیٹ انتخابات میں جیتیں گے،راجا ریاض
29 فروری ، 2012
لاہور… اپوزیشن لیڈر راجا ریاض کا کہنا ہے کہ پیپلز پارٹی اور مسلم لیگ ق کے امیدوار سینیٹ انتخابات میں کامیاب ہوں گے۔پنجاب اسمبلی کے باہر چودھری ظہیرالدین اور کامل علی آغا کے ہمراہ میڈیا سے گفت گو میں راجا ریاض کا کہنا تھا کہ اگر مسلم لیگ ق کے امیدوار کو ووٹ کم پڑے تو ان کی مدد کریں گے۔ افواہوں کا سیزن ہے، انتخابات کے بعد تمام افواہیں دم توڑ جائیں گی۔ ق لیگ کے چودھری ظہیرالدین کا کہنا تھا کہ کسی کے سازش کرنے اور خواب دیکھنے پر کوئی پابندی نہیں۔ کامل علی آغا نے دعویٰ کیا کہ وہ کسی خطرے سے دوچار نہیں ان کے پاس ووٹ پورے نہیں بلکہ زیادہ ہیں۔
