30 نومبر ، 2024 
112 سالہ برازیلین شہری دنیا کا معمر ترین مرد قرار
30 نومبر ، 2024
112 سالہ برازیلین شہری ژواؤ مارینہو نیٹو(João Marinho Neto) کو دنیا کا معمر ترین مرد ہونے کا اعزاز حاصل ہوگیا۔
25 نومبر کو دنیا کے معمر ترین شخص جان ٹینس ووڈ 112 سال کی عمر میں انتقال کرگئے تھے۔
گنیز ورلڈ ریکارڈز کے مطابق جان ٹینس ووڈ کے انتقال کے بعد 26 نومبر کو 112 سال اور 52 دن کی عمر کے ژواؤ باضابطہ طور پر دنیا کے سب سے معمر شخص بن گئے۔
ژواؤ 5 اکتوبر 1912 کو برازیل کے شہر Maranguape میں پیدا ہوئے، اب وہ 1912 میں پیدا ہونے والےواحد زندہ مرد بھی ہیں۔
گنیز ورلڈ ریکارڈز کے مطابق ژواؤ ایک کسان خاندان میں پیدا ہوئے اور 4 سال کی عمر میں ہی وہ اپنے والد کے ساتھ کھیتوں میں کام کرنے لگے ان کا کام مویشیوں کی دیکھ بھال کرنا اور درختوں سے پھل اتارنا شامل تھا۔
ان کے 6 بچے زندہ ہیں جبکہ 22 پوتے پوتیاں، 15 پڑپوتے پڑپوتیاں بھی ہیں۔
ژواؤ کے مطابق ان کی طویل زندگی کا راز اچھے لوگوں کے ساتھ رہنا اور اپنے پیاروں کو قریب رکھنا ہے۔
خیال رہےکہ دنیا کے سب سے معمر ترین انسان کا اعزاز جاپان کی خاتون Tomiko Itooka کے پاس ہے جو 23 مئی 1908کو پیدا ہوئی تھیں اور ان کی عمر 116 سال ہے۔
مزید خبریں :
5 ہفتوں تک برفانی پہاڑیوں میں بھٹکنے والا شخص زندہ مل گیا
29 نومبر ، 2024
پیرس: ائیرپورٹ پر پالتو کتا لاپتا ہوگیا، تلاش کیلئے 2 رن ویز بند
28 نومبر ، 2024
2024 کا آخری ماہ دسمبر کن 4 ستاروں کیلئے خوش قسمت ثابت ہوگا؟
27 نومبر ، 2024
دنیا کا معمر ترین شخص 112 سال کی عمر میں انتقال کرگیا
26 نومبر ، 2024
