26 نومبر ، 2024 
دنیا کا معمر ترین شخص 112 سال کی عمر میں انتقال کرگیا
26 نومبر ، 2024
دنیا کے معمر ترین شخص کا اعزاز حاصل کرنے والے جان ٹینس ووڈ 112 سال کی عمر میں انتقال کر گئے۔
گنیز ورلڈ ریکارڈز کے مطابق جان گزشتہ روز( 25 نومبر) کو انگلینڈ کے ساؤتھ پورٹ میں واقع ایک کیئر ہوم میں وفات پا گئے۔
جان کے خاندان نے بھی ان کے انتقال کی تصدیق کرتے ہوئے بتایا کہ ان کے زندگی کے آخری دن خوشگواز انداز میں گزرے۔
گنیز ورلڈ ریکارڈز کے مطابق جان 26 اگست 1912 کو انگلینڈ کے شہر لیورپول میں پیدا ہوئے اور وہیں پرورش پائی۔ انہوں نے 1942 میں شادی کی بعد ازاں ان کی بیوی 1986 میں اس دنیا سے رخصت ہوگئیں۔
بتایا جاتا ہے کہ جان کو اپنی 100 سے 110 سال کی عمر کے دوران ہر سال برطانوی ملکہ الزبتھ دوم کی طرف سے سالگرہ کا کارڈ موصول ہوا، جو ان سے تقریباً 14 سال چھوٹی تھیں۔
اپریل 2024 میں وینزویلا کے 114 سالہ جوآن ویسنٹ پیریز مورا کے انتقال کے بعد جان نے دنیا کے معمر ترین شخص کا اعزاز حاصل کیا تھا۔
گنیز ورلڈ ریکارڈز کے حکام نے جان کے انتقال پر دکھ کا اظہار کیا ہے۔
مزید خبریں :
سانسیں روک دینے والے اس مقام کی سیر کرنا پسند کریں گے؟
25 نومبر ، 2024
دنیا کی قدیم ترین حروف تہجی پر مبنی تحریریں دریافت
24 نومبر ، 2024
لندن میں مریخ کا خوبصورت نظارہ، دیکھنے والے حیران رہ گئے
24 نومبر ، 2024
دنیا کی طویل القامت اور پست قد خاتون کی پہلی بار ملاقات
21 نومبر ، 2024
