30 نومبر ، 2024 
چیمپئنز ٹرافی کے وینیو اور شیڈول کیلئے معاملات مثبت سمت میں آگے بڑھ رہے ہیں: ذرائع
30 نومبر ، 2024
آئی سی سی چیمپئنز ٹرافی کیلئے اسٹیک ہولڈرز کے درمیان معاملات مثبت سمت میں آگے بڑھ رہے ہیں۔
چیمپئنز ٹرافی کی میزبانی کے معاملے پر آئی سی سی کا ہنگامی اجلاس گزشتہ روز دبئی میں ہوا تھا تاہم اس اجلاس میں کوئی حتمی فیصلہ نہیں ہو سکا تھا اور معاملے کا آئی سی سی، پی سی بی اور بی سی سی آئی کو ملکر حل نکالنے کے نقطے پر اتفاق کے ساتھ اجلاس آج دوبارہ بلانے کا فیصلہ کیا گیا تھا۔
پھر اطلاع ملی کہ آج ہونے والی آئی سی سی بورڈ میٹنگ ملتوی ہو گئی ہے لیکن اب ذرائع نے بتایا ہے کہ آئی سی سی چیمپئنز ٹرافی کے وینیو اور شیڈول سے متعلق پس پردہ بات چیت کا سلسلہ جاری ہے، آئی سی سی بورڈ میٹنگ کسی بھی وقت بلائی جا سکتی ہے۔
ذرائع کا بتانا ہے کہ آئی سی سی بورڈ میٹنگ آج رات یا پھر کل بلائی جا سکتی ہے، اسٹیک ہولڈرز کے درمیان معاملات مثبت سمت میں آگے بڑھ رہے ہیں۔
مزید خبریں :
کوہلی نہ روہت، سب سے زیادہ معاوضہ لینے والا بھارتی کرکٹر کون؟
30 نومبر ، 2024
لائیو کرکٹ میچ کے دوران کھلاڑی دل کا دورہ پڑنے سے چل بسا
30 نومبر ، 2024
