02 دسمبر ، 2024 
پریانکا کی کامیابی نے اس کے بھائی کو نقصان پہنچایا: والدہ کا بیان
02 دسمبر ، 2024
بھارت سمیت دنیا بھر میں شہرت رکھنے والی معروف اداکارہ پریانکا چوپڑا کی والدہ کا کہنا ہے کہ ان کی بیٹی کی کامیابی سے بیٹے کو بڑا نقصان پہنچا ہے۔
ایک انٹرویو کے دوران اداکارہ کی والدہ مدھو چوپڑا نے اپنے بیٹے سدھارتھ چوپڑا کی زندگی بھر کی محنت اور ان کی بہن پریانکا کی کامیابی کے اثرات پر کہا کہ سدھارتھ کو ان کے گھرانے کی مصروفیات کے باعث اپنی زندگی میں بہت کچھ خود ہی کرنا پڑا۔
مدھو چوپڑا نے کہا کہ سدھارتھ پریانکا کی کامیابی کے باعث قربانی کا بکرا بن گیا کیونکہ جب وہ نو عمر تھا تو اس وقت میں پریانکا کے ساتھ تھی اور ان کے والد اپنے کام میں مصروف تھے اسی لیے سدھارتھ کو خود سے بڑا ہونا پڑا۔
پریانکا کی والدہ نے مزید کہا کہ میں اپنے بیٹے کو ہر روز جدوجہد کرتے ہوئے دیکھتی ہوں اور دل ہی دل میں کہتی ہوں کہ خدا نے جو عطا کیا ہے اس پر شکر ادا کرو، میرے دونوں بچے بہت عظیم ہیں جو مجھ سے محبت کرتے ہیں اور میرا خیال رکھتے ہیں۔
خیال رہے کہ پریانکا چوپڑا کے بھائی سدھارتھ چوپڑا نے حال ہی میں دوسری منگنی کی ہے، اس سے قبل 2019 میں وہ اشتیا کمار سے منسلک تھے مگر شادی سے قبل ہی ان کی منگنی ختم ہوگئی تھی۔
مزید خبریں :
معروف بھارتی اداکارہ نے مبینہ طور پر خودکشی کرلی
01 دسمبر ، 2024
ہندو سوشل میڈیا انفلوئنسر خانہ کعبہ جانے کا خواہشمند
30 نومبر ، 2024
اداکارہ مریم نفیس کے ہاں پہلے بچے کی پیدائش جلد متوقع
30 نومبر ، 2024
کیا اداکارہ نیلم منیر رشتہ ازدواج میں منسلک ہونے والی ہیں؟
29 نومبر ، 2024
