10 دسمبر ، 2024 
اسرائیل شام کی صورتحال کا ناجائز فائدہ اٹھاکر دمشق کے قریب جا پہنچا، دفاعی اہداف پر بڑا حملہ
10 دسمبر ، 2024
معزول صدر بشارالاسد کے فرار ہونے کے بعد شام میں عدم استحکام کی صورتحال ہے جب کہ اسرائیل نے اس صورتحال کا ناجائز فائدہ اٹھا کر دمشق کے قریب دفاعی اہداف پر بڑا حملہ کردیا۔
لبنانی میڈیا نے دعویٰ کیا ہے کہ اسرائیل کے فوجی ٹینک دمشق کے قریب پہنچ چکے ہیں، شامی فوجی ہیڈکوارٹرز اور کئی ائیربیسز پر اسرائیل کی جانب سے بمباری کی گئی جس میں درجنوں لڑاکا طیارے اور ہیلی کاپٹر تباہ ہوگئے۔
اس کے علاوہ دمشق میں میزائل دفاعی نظام، زمین سے زمین پر مار کرنے والے میزائل اور میزائلوں کی تیاری کے مقامات کو بھی نشانہ بنایا گیا۔
اسرائیل نے مقبوضہ گولان کے بفر زون میں مزید علاقے پر قبضہ کرنے کا اعلان کردیا ہے۔
دوسری جانب سعودی عرب، ایران اور قطر نے اسرائیلی قبضے میں توسیع اور شام پر حملوں کی مذمت کی ہے۔
سعودی عرب کا کہنا ہے کہ اسرائیل شام کی سالمیت کو نقصان پہنچارہا ہے، اسرائیلی اقدام شام میں سکیورٹی بحالی کاموقع تباہ کرنے کی خواہش کو ظاہرکرتاہے۔
ادھر مصر نے گو لان میں اسرائیلی قبضے کو کُھلا ڈاکا قرار دے دیا۔
مزید خبریں :
سویڈن کے اسکول میں فائرنگ سے 10 افراد ہلاک
12 گھنٹے پہلے
روس سے جنگ، یوکرین کا 45 ہزار سے زائد فوجیوں کی ہلاکت کا دعویٰ
05 فروری ، 2025
