11 دسمبر ، 2024 
پاک افریقا ٹی 20: اسٹیڈیم جانے کیلئے جارج لینڈے کو بس کے بجائے پولیس کی گاڑی میں کیوں بیٹھنا پڑا؟
11 دسمبر ، 2024
پاکستان اور جنوبی افریقا کے درمیان ٹی ٹوئنٹی سیریز کے پہلے میچ کے پلیئر آف دی میچ جارج لینڈے نے اسٹیڈیم جانے والی بس مس کردی تھی۔
جارج لینڈے کو کم بیک کے لیے 3 سال، تین ماہ اور دو دن انتظار کرنا پڑا مگر کل جب انہیں ایک طویل عرصے بعد موقع ملا تو انہوں نے اسٹیڈیم جانے والی ٹیم کی بس مس کردی جس کے بعد جارج پولیس کی مدد سے بس پکڑنے میں کامیاب ہوئے اور اسٹیڈیم پہنچے۔
اس حوالے سے جارج لینڈے نے بتایا کہ کسی وجہ سے میرا فون ٹائم سے 15 منٹ پیچھے تھا، میں نے خود سے کہا کہ کہ ٹھیک ہے میں چار بجے نیچے جاؤں گا اور وقت سے پہلے بس میں بیٹھ جاؤں گامگر جب میں ہوٹل سے باہر آیا تو دیکھا کہ بس جا رہی ہے۔
جارج نے کہا کہ بس کو جاتا دیکھنا میرے لیے کوئی اچھا احساس نہیں تھا، خوش قسمتی سے پولیس اسکارٹ وہاں موجود تھی جو مجھے بس تک لے گئے مگر یہ میرے لیے بڑی شرمندگی کی بات تھی، میں آئندہ لیٹ نہیں ہوں گا۔
خیال رہے کہ جارج لینڈے نے پاکستان کے خلاف پہلے ٹی ٹوئنٹی میچ میں 24 گیندوں پر 48 رنز بنائے اور انہوں نے 21 رنز دے کر 4 وکٹیں بھی حاصل کیں۔
مزید خبریں :
سعودی عرب کو فیفا ورلڈکپ 2034 کی میزبانی مل گئی
10 گھنٹے پہلے
پہلا ٹی ٹوئنٹی: جنوبی افریقا نے پاکستان کو 11 رنز سے شکست دیدی
11 دسمبر ، 2024
