وہ 2 مسلم شخصیات جن کو 2024 میں دنیا بھر میں گوگل پر سب سے زیادہ سرچ کیا گیا

انٹرنیٹ ایک ایسا حیرت انگیز ٹول ہے جو لوگوں کو پوری دنیا سے جوڑتا ہے اور گوگل اس حوالے سے اہم کردار ادا کرتا ہے۔

ہر سال اربوں افراد گوگل کو استعمال کرکے مختلف تفصیلات، خبروں اور اپنی پسند کے موضوعات کو سرچ کرتے ہیں۔

ان سرچز میں وہ  نام خاص ہوتے ہیں جن کو دنیا بھر میں لوگ سب سے زیادہ سرچ کرتے ہیں۔

اس سے عندیہ ملتا ہے کہ رواں سال کے دوران کونسی شخصیات لوگوں کی توجہ کا مرکز بنی تھیں۔

اس سال پاکستانیوں نے گوگل پر سب سے زیادہ کن شخصیات کے بارے میں سرچ کیا؟

گوگل نے مجموعی طور پر 6 مختلف کیٹیگریز میں پاکستانیوں کی پسندیدہ سرچز کی فہرست جاری کی ہے۔

گوگل نے بھی 2024 کے لیے 10 افراد پر مشتمل ایسی ہی ایک فہرست گزشتہ دنوں جاری کی تھی جس میں 2 مسلم شخصیات بھی شامل ہیں۔

عالمی سطح پر جس شخصیت کو سب سے زیادہ سرچ کیا گیا وہ ڈونلڈ ٹرمپ ہیں جو نومبر میں دوسری بار امریکا کے صدر منتخب ہوئے ہیں۔

برطانیہ کی پرنسز آف ویلز کیٹ مڈلٹن دوسرے نمبر پر رہیں جن کے کینسر کی تشخیص یقیناً دنیا بھر کے افراد کی توجہ کا مرکز بنی۔

نہ بابر نہ آفریدی: 2024 میں پاکستان میں کونسی اسپورٹس شخصیت سب سے زیادہ سرچ کی گئی؟

گوگل نے 2024 کے لیے پاکستان میں سب سے زیادہ سرچ کی جانے والی شخصیات اور موضوعات کی فہرست جاری کی ہے۔

امریکی صدارتی انتخابات میں ڈونلڈ ٹرمپ کا مقابلہ کرنے والی کملا ہیرس اس فہرست میں تیسرے نمبر پر رہیں۔

چوتھا نمبر الجزائر کی مسلم باکسر ایمان خلیف کا رہا۔

ایمان خلیف نے رواں سال پیرس اولمپک گیمز 2024 میں بطور خاتون طلائی تمغہ جیتا تھا اور وہ ایونٹ کے دوران اپنی جسمانی ساخت کی وجہ سے خبروں کی زینت بنی رہی تھیں۔

امریکا کے موجودہ صدر جو بائیڈن کے حصے میں 5 واں نمبر آیا۔

کوہلی نہ روہت، دنیا میں سب سے زیادہ کونسے بھارتی کرکٹر کو گوگل پر سرچ کیا گیا؟

دنیا میں مختلف کھیلوں سے وابستہ مشہور کھلاڑیوں کے بارے میں مداح ہمیشہ کچھ نیا جاننا چاہتے ہیں جس کے لیے وہ انٹرنیٹ پر گوگل سرچ انجن کا سہارا لیتے ہیں۔

مائیک ٹائی سن اس فہرست میں شامل دوسری مسلم شخصیت ہیں اور 19 برس بعد رنگ میں دوبارہ اترنے کے باعث وہ گوگل پر لوگوں کی توجہ کا مرکز بنے۔

وہ اس فہرست میں مجموعی طور پر چھٹے نمبر پر رہے۔

ڈونلڈ ٹرمپ کی جانب سے نائب صدر کے عہدے کے لیے منتخب کیے گئے JD Vance کا اس فہرست میں 7 واں نمبر پر رہا۔

اسپین کے فٹبالر لامین یمال اس فہرست میں 8 ویں نمبر پر رہے۔

2024 میں پاکستان میں گوگل پر سب سے زیادہ سرچ کیے جانے والے موضوعات

سرچ انجن کی جانب سے ہر سال کے اختتام پر سب سے زیادہ مقبول سرچز کی فہرست کو جاری کیا جاتا ہے۔

17 سالہ فٹبالر نے یورو کپ 2024 میں شاندار کارکردگی کا مظاہرہ کیا اور انہیں ینگ پلیئر آف دی ٹورنامنٹ قرار دیا گیا۔

گوگل پر سب سے زیادہ سرچ کی جانے والی 9 ویں شخصیت امریکی جمناسٹ سمون بائلز کی رہی جو پیرس اولمپکس میں ایک بار پھر بہترین کارکردگی کا مظاہرہ کرتی نظر آئیں۔

2024 میں بچوں کے جنسی استحصال کی رپورٹس کے باعث امریکی گلوکار Diddy کے حصے میں 10 واں نمبر آیا۔