16 دسمبر ، 2024 
جیسن گلیسپی نے پاکستانی ٹیم کی کوچنگ چھوڑنے کی وجوہات اور اندرونی کہانی بتادی
16 دسمبر ، 2024
پاکستان ریڈ بال ٹیم کے سابق ہیڈ کوچ جیسن گلیسپی نے کوچنگ سے مستعفی ہونے کی وجوہات بتا دیں۔
آسٹریلین میڈیا کو انٹرویو دیتے ہوئے جیسن گلیسپی نے کہا کہ ہائی پرفارمنس کوچ ٹم نیلسن کے معاملے پر بےخبری ناراضی کا سبب بنی، ٹم نیلسن کو نہ رکھنے کے فیصلے سے مجھے مکمل بے خبر رکھا گیا، نیلسن کے معاملے کے بعد لگا کہ میرا کام اب مشکل ہوگیا ہے، ایک اہم فیصلے سے ہیڈ کوچ کو آگاہ نہ رکھنے نے مجھے ایسا سوچنے پر مجبور کیا۔
قومی ٹیم کے سابق کوچ نے کہا کہ ماضی کے چند واقعات کے بعد اس معاملے نے مجھے سوچنے پر مجبور کیا کہ میری ضرورت ہے یا نہیں، میرا پاکستاں کی کوچنگ کا جو مقصد تھا وہ فوت ہوتا جا رہا تھا، میرا کام صرف میچ کی صبح کھلاڑیوں کو کیچنگ پریکٹس کرانا رہ گیا تھا۔
انہوں نے مزید کہا کہ ہیڈ کوچ کا سلیکٹرز سمیت ہر کسی سے مکمل رابطہ ضروری ہوتا ہے، پلاننگ کے لیے ضروری ہے کہ کم از کم ایک روز پہلے تو مجھے اسکواڈ کے بارے میں بتایا جائے، ان تمام معاملات کی عدم موجودگی میں کام کرنا مشکل ہو جاتا ہے۔
گلیسپی کا کہنا تھا کہ انگلینڈ کے خلاف پہلے میچ کے بعد گروپ پر ایک ٹیکسٹ میسج سے نئی سلیکشن کمیٹی کی خبر ملی، سلیکشن کمیٹی کے معاملے پر بھی مجھ سے کوئی بات نہیں کی گئی تھی جب کہ بابر اعظم کو ڈراپ کرنے کا فیصلہ بھی نئی سلیکشن کمیٹی کا تھا۔
مزید خبریں :
چیمپئنزگدھا گاڑی ریس سرتاج نامی گدھے نے جیت لی
15 دسمبر ، 2024
کیا شاہد آفریدی ایک نئے میدان میں قدم رکھنے جا رہے ہیں؟
15 دسمبر ، 2024
چیمپئنز ٹرافی پر پاک بھارت کرکٹ بورڈز کے معاملات طے ہوگئے
14 دسمبر ، 2024
شعیب اختر نے بمراہ کو کیریئر طویل کرنےکیلئےکیا مشورہ دیا؟
14 دسمبر ، 2024
