28 دسمبر ، 2024 
ملک میں نئے ایچ آئی وی کیسز میں تشویشناک اضافہ، وائرس منتقلی کی اہم وجوہات سامنے آگئیں
28 دسمبر ، 2024
پاکستان میں ایچ آئی وی کے نئے کیسز میں تشویشناک اضافہ ریکارڈ کیا گیا ہے۔
2024 کے پہلے 9 ماہ میں ایچ آئی وی کے9 ہزار 713 کیسز رپورٹ ہوئے، ملک بھر میں ماہانہ اوسطاً 1ہزار 79 افراد ایچ آئی وی کا شکار ہونے لگے ہیں۔
حکام وفاقی وزارت صحت کا بتانا ہے کہ 2024 کے12مہینوں میں ایچ آئی وی کے 12ہزار 950 کیسز سامنے آنے کا خدشہ ہے جبکہ پچھلے سال ایچ آئی وی کے 12ہزار 731 کیسز سامنے آئے تھے۔
وفاقی وزارت صحت حکام کے مطابق اب تک کے ایچ آئی وی کیسز میں مرد 69.4 فیصد، خواتین 20.5 فیصد ہیں ، اب تک کےایچ آئی وی کیسز میں خواجہ سرا 4.1، اوربچے6 فیصد ہیں۔
اس سال پنجاب میں سب سے زیادہ 5 ہزار 691 ایچ آئی وی کیسز رپورٹ ہوئے، سندھ 2 ہزار 383، خیبرپختونخوا میں 926 اور بلوچستان میں 329 ایچ آئی وی کیسز ریکارڈ کیے گئے۔
اسلام آباد میں 9 مہینوں میں 378 اور آزاد کشمیر میں ایچ آئی وی کے 10 کیس رپورٹ ہوئے۔
ایچ آئی وی کے بڑھتے کیسز کے پیش نظر ماہرین اور حکام نے وارننگ دی ہے کہ ہائی رسک گروپس سے ایچ آئی وی عام آبادی میں منتقل ہو رہا ہے جس کی اہم وجوہات کم آگہی، غیرمحفوظ جنسی تعلقات اور صحت کی سہولیات میں حفاظتی اقدامات کی کمی ہیں۔
مزید خبریں :
اچھی صحت کیلئے روزانہ کتنے میل چہل قدمی کرنی چاہیے؟
27 دسمبر ، 2024
دن بھر بیٹھ کر گزارنے کے باوجود تھکاوٹ کا سامنا کیوں ہوتا ہے؟
26 دسمبر ، 2024
کشمش کو روزانہ بھگو کر کھانے کے یہ اثرات جانتے ہیں؟
26 دسمبر ، 2024
جسم میں وٹامن ڈی کی کمی کا اشارہ دینے والی 7 نشانیاں
25 دسمبر ، 2024
سائنسدان انسانی خیالات کی حیران کن رفتار کا تعین کرنے میں کامیاب
25 دسمبر ، 2024
