29 دسمبر ، 2024 
ایک دن میں تیسرا حادثہ، نیدرلینڈز کا مسافر طیارہ اوسلو ایئرپورٹ پر رن وے سے اتر گیا
29 دسمبر ، 2024
نیدرلینڈزکا مسافر طیارہ ناروے کے اوسلو ائیرپورٹ پر حادثے کا شکار ہوگیا۔
ڈچ میڈیا کے مطابق ایمسٹرڈیم جانے والے طیارے کا اوسلو سے اڑان بھرنے کے فوراً بعد ہائیڈرالک سسٹم فیل ہوا۔
ہائیڈرالک سسٹم میں خرابی کے باعث طیارے نے ہنگامی طور پر لینڈنگ کی، تاہم لینڈنگ کے دوران طیارہ رن وے سے اترگیا۔
ڈچ میڈیا کے مطابق حادثےکا شکار طیارے میں سوار 176 مسافر اورعملے کے 6 اراکین محفوظ رہے۔
اس سے قبل ائیر کینیڈا کے مسافر طیارے میں لینڈنگ گیئر میں خرابی کے باعث آگ بھڑک اٹھی تاہم مسافر طیارہ معجزانہ طور پر حادثے سے محفوظ رہا۔
ایک دوسرے حادثے میں آج صبح جنوبی کوریا میں لینڈنگ کے دوران طیارہ خوفناک حادثے کا شکار ہوا جس کے نتیجے میں 179 افراد ہلاک ہو گئے۔
اس سے قبل 25 دسمبر کو آذربائیجان کا مسافر بردار طیارہ قازقستان میں گر کر تباہ ہو گیا تھا جس میں 38 افراد ہلاک اور 29 زخمی ہوئے تھے۔
مزید خبریں :
یوکرین کے ذریعے یورپ کو روسی گیس کی سپلائی معطل
1 گھنٹے پہلے
2025 میں اُڑان بھرنے والی فلائٹ 2024 میں لینڈ کرے گی، مگر کیسے؟
01 جنوری ، 2025
سال 2025 کا نیوزی لینڈ سے آغاز، نئے سال کا رنگا رنگ استقبال
31 دسمبر ، 2024
