کرم پرگرینڈ جرگے میں امن معاہدے میں کیا طے پایا ہے؟

ایک ماہ سے جاری ضلع کرم کےگرینڈ جرگے میں امن معاہدہ طے پا گیا ہے اور فریقین نے معاہدے پر دستخط کر دیے ہیں۔

فریقین کے مابین 14 نکاتی  معاہدےکا مسودہ جیونیوز کو موصول ہوگیا ہے۔

امن معاہدےکے مطابق مری معاہدہ 2008 برقرار رہےگا۔ حکومت سرکاری روڈ پر خلاف ورزی کرنے والوں کے خلاف سخت ایکشن لےگی۔ کسی بھی ناخوشگوار واقعے پرعلاقےکے لوگ اپنی بےگناہی ثابت کریں گے۔

کرم کے معاملے پرگرینڈ جرگے میں فریقین نے امن معاہدے پر دستخط کر دیے

فریقین 14 نکات پر مشتمل معاہدے پر متفق ہوگئے ہیں، دونوں فریقین مورچے ختم اور اسلحہ جمع کرائیں گے، جرگہ رکن

معاہدے کے مطابق کسی شرپسندکوپناہ دینےکی صورت میں متعلقہ شخص مجرم تصور کیا جائےگا۔ روڈکی حفاظت کے لیے اپیکس کمیٹی کے فیصلوں کو عملی جامہ پہنایا جائےگا۔ معاہدہ مری کے مطابق ضلع کرم کے بےدخل خاندانوں کو اپنے اپنے علاقوں میں آباد کیا جائےگا۔

امن معاہدے میں طے ہوا ہےکہ ضلع کرم میں قیام امن کے لیےکوئی بھی اپنے مابین لڑائی کو مذہبی رنگ نہیں دےگا۔کالعدم تنظمیوں کےکام کرنے اور دفاتر کھولنے پر پابندی ہوگی۔ آمدورفت کے تمام راستوں پر کوئی رکاوٹ نہیں ہوگی۔ جن علاقوں سے بجلی، ٹیلیفون یاکیبل گزرچکے ہیں یا مزیدگزارے جائیں گے ان پرپابندی نہیں ہوگی۔ نئے روڈ کی ضرورت پڑی اورکوئی رکاوٹ پیش آئی تو فریقین مکمل تعاون کریں گے۔

امن معاہدے کے مطابق کسی بھی علاقے میں ناخوشگوار واقعہ رونما ہوا تو فریقین قانون ہاتھ میں نہیں لیں گے۔ اگر دو گاؤں میں تنازع پیدا ہوا تو ہمسایہ گاؤں کی امن کمیٹی تصفیہ کرےگی۔ تخریب کاری میں ملوث افراد کی جلد از جلد گرفتاری ضلعی پولیس اور ریاستی ادارے کریں گے۔ تخریب کاری میں ملوث افراد کی گرفتاری میں مسلک یا قبیلہ کوئی رکاوٹ نہیں ڈالےگا۔

امن معاہدے میں طے ہوا ہےکہ نئے بنکرز کی تعمیر پر پابندی ہوگی اور پہلے سے موجود بنکرز ایک ماہ کے اندر ختم کیے جائیں گے۔ بنکرز ختم کرنےکے بعد جو فریق لشکر کشی کرےگا اسے دہشت گرد قرار دیا جائےگا۔ اگر علاقہ مشران فریقین کے درمیان کسی مسئلےکا تصفیہ نہ کرسکے تو کرم گرینڈ امن جرگہ فیصلہ کرےگا۔ فریقین میں فائر بندی دائمی ہوگی، فریقین بھاری اسلحہ حکومت کے پاس جمع کرائیں گے۔

آخری بار پیشکش کر رہے ہیں دھرنا مظاہرین کسی مناسب جگہ احتجاج کرلیں: وزیر داخلہ سندھ

اگر مظاہرین پرامن تھےتو 8 موٹرسائیکلیں کیسے جلیں؟ 8 پولیس اہلکاروں کو زخمی کیا گیا، تین کی حالت تشویشناک ہے، وزیر داخلہ سندھ ضیاءالحسن لنجار

کرم میں دونوں طرف کچھ دہشتگرد ہیں، ان کیخلاف فوجی آپریشن ہونا چاہیے: سربراہ ایم ڈبلیو ایم

کرم کا راستہ کھولا گیا تو ہم بھی دھرنےختم کردیں گے، جب کانوائے پر حملہ ہوا تو اسی جگہ اہلسنت نے ہمارے 35 لوگوں کی جان بچائی، پناہ دی: راجہ ناصر عباس