03 جنوری ، 2025 
پاکستان ترجیح ہے اس کیلئے ملکر بات کریں گے: علی امین گنڈاپور
03 جنوری ، 2025
اسلام آباد: وزیر اعلیٰ خیبر پختونخوا علی امین گنڈا پور کا کہنا ہے کہ وزیراعظم شہباز شریف کی اس طرح کی بات چیت کرنا نامناسب ہے کہ احتجاج میں گولی نہیں چلی، اس طرح کی باتوں سے اجتناب کرنا چاہیے۔
اسلام آباد میں میڈیا سے گفتگو کرتے ہوئے علی امین گنڈا پور کا کہنا تھا کہ 26 نومبر کی بات وزیراعظم نے خود کی، میں نےکہا تھا کہ 58 زخمی اور 13 شہید ہیں، 45 تاحال لاپتہ ہیں لیکن وزیراعظم کی اس طرح کی بات چیت کرنا نامناسب ہے کہ اسلام آباد میں احتجاج کے دوران گولی نہیں چلی۔
انھوں نے کہا کہ وزیراعظم کو اس طرح کی باتوں سے اجتناب کرنا چاہیے، اگر کوئی تحفظات ہیں تو بات کرنی چاہیے۔
علی امین گنڈاپور کے مطابق اپیکس کمیٹی کا اہم اجلاس تھا، سکیورٹی ادارے ملکر کام کر رہے ہیں، پاکستان ترجیح ہے اس کے لیے ملکر بات کریں گے اور مل کر ہی دہشتگردی کے خاتمے کا فیصلہ ہوا ہے۔
وزیراعلیٰ کے پی کا مزید کہنا تھا کہ اسحاق ڈار نے کہا کہ یہ معاملات مذاکراتی کمیٹی میں بات کریں گے، افغانستان کے حوالے سے بھی بات ہوئی ہے، میں نے جرگے کی تجویز دی ہے، ابھی کوشش ہو سکتی ہے۔
مزید خبریں :
آزاد کشمیر میں یوم حق خود ارادیت آج منایا جائے گا
9 گھنٹے پہلے
کوئٹہ: پی بی 45 کے 15 پولنگ اسٹیشنوں پر پولنگ آج ہوگی
10 گھنٹے پہلے
