08 جنوری ، 2025 
چین، سعودی عرب اور دیگر ممالک جانیوالے 30 مسافروں کو کراچی ائیرپورٹ پر آف لوڈ کر دیا گیا
08 جنوری ، 2025
چین، سعودی عرب اور دیگرممالک جانے والے 30 مسافروں کو کراچی ائیرپورٹ پر آف لوڈ کر دیا گیا۔
ذرائع کے مطابق 11 افراد چین اور ملائیشیا، 4افراد عمان،ایک یوگینڈا،2 تنزانیہ اور بنگلادیش جبکہ 10 افراد سعودی عرب جارہے تھے۔
ذرائع کا کہنا ہے کہ تمام افراد کو ایڈوانس ہوٹل بکنگ،اخراجات کی رقم نہ ہونے اور دیگر وجوہات پر آف لوڈ کیا گیا۔
واضح رہے کہ سعودیہ اور عراق سمیت 7 ممالک سے 24 گھنٹے میں 51 پاکستانیوں کو بے دخل بھی کیا گیا ہے۔
امیگریشن ذرائع کا کہنا ہے کہ بے دخل پاکستانیوں کو مختلف پروازوں سے کراچی پہنچا دیا گيا۔ بے دخل 2 شہری اصلی پاسپورٹ، 49 ایمرجنسی پیپرز پر وطن واپس پہنچے۔
امیگریشن حکام کے مطابق سعودی عرب سے بےدخل 33 پاکستانیوں کو کراچی بھیجا گیا، ایمرجنسی پاسپورٹ پر 14 پاکستانی عراق سے کراچی پہنچے۔
امیگریشن ذرائع کا کہنا ہے کہ دبئی، عمان، زمبیا ،قطر اور برطانیہ سے ایک ایک پاکستانی کو بےدخل کیا گیا۔
