انٹرٹینمنٹ

طلاق کی خبروں کے بعد بھارتی کرکٹر چہل مشہور خاتون آر جے کے ساتھ نظر آنے لگے

10 جنوری ، 2025

طلاق کی خبروں کے بعد بھارتی کرکٹر چہل مشہور خاتون آر جے کے ساتھ نظر آنے لگے — کرکٹر چہل کو ممبئی کے ایک ہوٹل میں خاتون کے ساتھ دیکھا گیا اور وہ اس وقت اپنا چہرہ کیمروں سے چھپا رہے تھے، بھارتی میڈیا رپورٹس— فوٹو:فائل

بھارت کے کرکٹر یوزویندر چہل اور ان کی اہلیہ دھنا شری ورما کے درمیان علیحدگی کی خبروں کے بعد بھارتی کرکٹر مشہور خاتون ریڈیو جوکی (آر جے) کے ساتھ نظر آنے لگے۔

بھارت کے کرکٹر یوزویندر چہل اور ان کی اہلیہ دھنا شری کی طلاق کی افواہیں گرم ہیں۔ دونوں کی جانب سے بیانات سامنے آئے ہیں لیکن ان میں طلاق کی خبروں پر کوئی واضح بات نہیں کی گئی۔

اس دوران اب کرکٹر یوزویندر چہل کو ایک خاتون ریڈیو جوکی مہوش کے ساتھ دیکھا گیا ہے اور بھارتی میڈیا میں ان کے قریبی تعلقات کی خبریں زیر گردش ہیں۔

رپورٹس کے مطابق کرکٹر چہل کو ممبئی کے ایک ہوٹل میں خاتون آرجے کے ساتھ دیکھا گیا اور وہ اُس وقت اپنا چہرہ کیمروں سے چھپا رہے تھے۔

یہ بھی پڑھیں

اس کے علاوہ کرکٹر نے خاتون اور دوستوں کے ساتھ کرسمس کے دن پر ایک ساتھ ظہرانے میں بھی شرکت کی تھی اور اب اُس لڑکی تفصیلات سامنے آگئیں۔

رپورٹس میں بتایا گیا ہے کہ چہل کے ساتھ نظر آنے والی لڑکی معروف ریڈیو جوکی مہوش ہیں جو فیشن، فٹنس اور سیاحت کے حوالے سے وی لاگنگ کرتی ہیں اور ان کے کئی پرینکس بھی سوشل میڈیا پر وائرل ہوچکے ہیں۔

اس کے علاوہ مہوش فلم پروڈیوسر بھی ہیں۔

آر جے مہوش نے کرکٹر کے ساتھ خبروں کو بے بنیاد قرار دیا اور کہا کہ انٹرنیٹ پر کچھ خبریں دیکھیں جو بالکل مضحکہ خیز ہیں، اگر آپ کسی مخالف جنس کے ساتھ نظر آئیں گی تو کیا اس کا مطلب ڈیٹنگ ہے؟

View this post on Instagram

A post shared by Mahvash (@rj.mahvash)

خیال رہے کہ یوزویندر چہل اور دھناشری کے درمیان علحیدگی کی خبریں گزشتہ دنوں اُس وقت پھیلیں جب جوڑے نے ایک دوسرے کو انسٹاگرام پر ان فالو کردیا اور ساتھ ہی کرکٹر نے دھنا شری کی تصاویر بھی ڈیلیٹ کردیں۔

ان کی اہلیہ دھنا شری ورما نے بھی کرکٹر کو ان فالو کیا لیکن یوزویندر چہل کی تصاویر نہیں ہٹائیں۔