15 جنوری ، 2025 
حکومت بھول جائے کہ وہ عمران کو اتنی آرام سے سزا دے گی: علیمہ خان
15 جنوری ، 2025
بانی پی ٹی آئی کی بہن علیمہ خان نے کہا ہےکہ عمران خان کو سزا اس لیے دی جارہی ہےکہ انہوں نے وہ ادارہ کیوں بنایا جس میں سیرت النبیؐ پڑھائی جارہی ہے۔
ایک بیان میں علیمہ خان نے حکومت کو آڑے ہاتھوں لیتے ہوئے کہا کہ وہ پریشان ہیں کہ فلاحی ادارہ ہے جس سے بانی کو کوئی فائدہ نہیں ہورہا لہٰذا ان کو سزا دینے میں بڑی مشکل پیش آرہی ہے۔
انہوں نے کہا کہ عمران خان کو سزا اس لیے دی جارہی ہےکہ انہوں نے وہ ادارہ کیوں بنایا جس میں سیرت النبیؐ پڑھائی جارہی ہے۔
علیمہ خان نے 190 ملین پاؤنڈ کیس کا فیصلہ مؤخر ہونے سے متعلق کہا کہ بانی چاہتے ہیں سزا سنائیں اس کے بعد ہم ہائیکورٹ میں لے کرجائیں، یہ بھول جائیں کہ اتنے آرام سے سزا دے دیں گے،جب عمران خان باہر آئے گا تو سب دیکھ لیں گے۔
190 ملین پاؤنڈ ریفرنس کا فیصلہ تیسری بار مؤخر ہونے کا پس منظر
خیال رہے کہ عمران خان اور بشریٰ بی بی کے نہ آنے پر 190 ملین پاؤنڈ ریفرنس کا فیصلہ 13 جنوری کو تیسری بار مؤخر ہوا ہے، احتساب عدالت کے جج ناصر جاوید فیصلہ سنانے کیلئے ساڑھے 8 بجے اور نیب کی 5 رکنی پراسیکیوشن ٹیم ساڑھے 9 بجے اڈیالہ جیل پہنچی تھی۔
عدالت اس سے پہلے فیصلہ سنانے کے لیے 23 دسمبر اور 6 جنوری کی تاریخیں دے چکی ہے۔
مزید خبریں :
حکومت کا مزید بجلی نہ خریدنے کا فیصلہ
7 گھنٹے پہلے
افطار میں بنائیں یہ مزیدار پیزا پارسلے
10 گھنٹے پہلے
تراویح میں پہلی 2 رکعتیں نکل جائیں تو کیا کیا جائے؟
10 گھنٹے پہلے
کراچی میں وقفے وقفے سے تیز ہوائیں چلنے کا امکان
12 گھنٹے پہلے
