تصاویر: غزہ جنگ بندی شروع ہوتے ہی فلسطینیوں کے چہرے کھل اٹھے، بڑی تعداد میں شہری سڑکوں پر امڈ آئے

غزہ میں حماس اور اسرائیل کے درمیان جنگ بندی کا آغاز ہوتے ہی طویل عرصے سے صیہونی بربریت کا شکار فلسطینیوں کے چہرے خوشی سے کھل اٹھے۔

حماس اور اسرائیل کے درمیان امن معاہدے کا آغاز پاکستانی وقت کے مطابق صبح ساڑھے 11 بجے ہونا تھا تاہم فلسطینی مزاحمتی تنظیم کی جانب سے بتایا گیا کہ تکنیکی مسائل کے باعث اسرائیلی یرغمالیوں کے نام بھیجنے میں کچھ تاخیر ہوئی ہے۔

کئی گھنٹوں کی تاخیر کے بعد بالآخر غزہ میں جنگ بندی کا آغاز

جنگ بندی شروع ہونے سے پہلے اسرائیلی حملوں میں 33 بچوں سمیت مزید 122 فلسطینی شہید ہوگئے

بعد ازاں حماس کی جانب سے ابتدائی طور پر 3 اسرائیلی خواتین مغویوں کے ناموں کا اعلان کیا گیا جس کے بعد اسرائیلی وزیراعظم نے باقاعدہ طور پر جنگ بندی کے آغاز کا اعلان کیا اور معاہدے کے تحت اسرائیلی افواج غزہ سے نکل کر فلاڈیلفی بارڈر کی طرف جائیں گی۔