21 جنوری ، 2025 
وہ گھر بہت کامیاب ہوتے ہیں جہاں فیصلہ مردوں کے ہاتھوں میں ہوتا ہے: صبا فیصل
21 جنوری ، 2025
سینئر اداکارہ صبا فیصل نے مردوں کے فیصلوں کو کامیاب گھر کی ضمانت قرار دے دیا۔
اداکارہ صبا فیصل نے اداکار احمد علی بٹ کے پوڈ کاسٹ میں شرکت کی جہاں انہوں نے زندگی اور شوبز سے متعلق مختلف موضوعات پر گفتگو کی۔
اداکارہ نے میاں بیوی کے تعلق پر بات کرتے ہوئے کہا کہ جب میری شادی ہوئی تو میری امی نے مجھے بہت اچھی بات کہی تھی، میری امی نے کہا کہ اپنے شوہر سے ایک قدم پیچھے رکھنا تاکہ جب تم مدد کیلئے اپنا سر اٹھا کر دیکھو گی تو تمہیں اپنے شوہر کا چہرا نظر آئے، نہ کہ کھلا آسمان ہو۔
انہوں نے کہا کہ ایک حد تک تو میاں بیوی برابر ہیں لیکن اللہ تعالیٰ نے شوہر کو ایک مقام دیا ہے، وہ گھر بہت کامیاب رہتے ہیں جہاں آخری فیصلہ مردوں کا ہوتا ہے، عورت کبھی بھی مستقل مزاجی سے فیصلہ نہیں کرتی اور عورت جذباتی ہوتی ہے۔
صبا فیصل نے مزید کہا بیویوں کو چاہیے کہ وہ اپنے شوہروں کو وہ مقام، درجہ اور عزت دیں جس کے وہ مستحق ہیں۔
مزید خبریں :
کیا حمزہ علی عباسی اب پی ٹی آئی کے ساتھ نہیں؟
19 مئی ، 2025
بحرین میں رخسار ناظم آبادی کی یاد میں عالمی مشاعرہ
19 مئی ، 2025
