28 جنوری ، 2025 
ڈی جی خان میں ایل پی جی باؤزر دھماکے سے پھٹنے کی ویڈیو سامنے آگئی، ایک شخص جاں بحق
28 جنوری ، 2025
ڈیرہ غازی خان میں انڈس ہائی وے کےریسٹ ایریا میں کھڑا ایل پی جی باؤزر دھماکے سے پھٹ گیا اور اس میں آگ لگ گئی جبکہ قریب کھڑے 2 باؤزر اور آئل ٹینکر بھی آگ کی لپیٹ میں آگئے۔
ڈی جی خان کی تحصیل کوٹ چھٹہ میں انڈس ہائی وے پر ریسٹ ایریا میں تین ایل پی جی باؤزر کھڑے تھے کہ ایک میں اچانک آگ لگی اور دھماکے سے پھٹ گیا۔ اس کے بعد قریب موجود دیگر دو گیس باؤزر اور ایک آئل ٹینکر کو بھی آگ نے اپنی لپیٹ لے لیا۔
ریسکیو اور فائر بریگیڈ کی 6 گاڑیوں نے آگ بجھانےمیں حصہ لیا جبکہ مظفرگڑھ سےبھی ریسکیو ٹیمیں طلب کی گئیں۔
ڈپٹی کمشنر کے مطابق واقعے میں ایک شخص جاں بحق اور 3 فائرفائٹر جھلس کر معمولی زخمی ہوئے جبکہ آگ پر 6 گھنٹوں بعد قابو پالیا گیا۔
آگ لگنے پر قریبی آبادی کومحفوظ مقامات پر منتقل کیاگیا۔ ریسٹ ایریا کےہوٹل اور پیٹرول پمپ کو آتشزدگی سےجزوی نقصان پہنچا۔
