30 جنوری ، 2025 
کیا آپ ایک سے زیادہ زبانیں بول سکتے ہیں؟ تو اس کا فائدہ جان لیں
30 جنوری ، 2025
اگر آپ ایک سے زیادہ زبانیں بولنا جانتے ہیں تو اس سے دماغ کو بہت زیادہ فائدہ ہوتا ہے۔
یہ بات امریکا میں ہونے والی ایک طبی تحقیق میں سامنے آئی۔
میامی یونیورسٹی کی تحقیق میں بتایا گیا کہ جن گھروں میں ایک سے زیادہ زبانیں بچوں کو سیکھائی جاتی ہیں ان کے دماغی افعال بہتر ہوتے ہیں۔
تحقیق میں 112 بچوں کو شامل کیا گیا تھا جن کی عمریں 7 سے 12 سال کے درمیان تھیں۔
ان میں سے کچھ بچے آٹزم کے عارضے سے متاثر تھے۔
تحقیق میں جائزہ لیا گیا کہ ایک سے زیادہ زبانوں سے واقفیت سے بچوں کے دماغی افعال پر کیا اثرات مرتب ہوتے ہیں۔
نتائج سے معلوم ہوا کہ 2 یا اس سے زائد زبانیں بولنے والے بچے کے دماغی افعال زیادہ بہتر طریقے سے کام کرتے ہیں۔
تحقیق کے مطابق ایسے بچوں کو خود پر زیادہ کنٹرول ہوتا ہے اور وہ زیادہ آسانی سے ایک سے دوسرے کام پر سوئچ ہونے کے قابل ہوتے ہیں۔
محققین نے بتایا کہ ہم نے دریافت کیا کہ زیادہ زبانوں سے واقفیت دماغ کے لیے مفید ثابت ہوتی ہے۔
انہوں نے بتایا کہ اس کا عندیہ پہلے بھی تحقیقی رپورٹس میں ملا ہے مگر ہم نے بچوں پر توجہ مرکوز کی۔
تحقیق کے نتائج بہت اہم ہیں کیونکہ آٹزم کے شکار بچوں کے لیے خود کو کنٹرول کرنا یا ایک سے دوسرے کام میں آسانی سے سوئچ ہونا مشکل ہوتا ہے۔
محققین کے مطابق زیادہ زبانیں بولنے سے تمام بچوں کو فائدہ ہوتا ہے اور یہ فائدہ محض آٹزم سے متاثر بچوں تک محدود نہیں۔
اس تحقیق کے نتائج جرنل آٹزم ریسرچ میں شائع ہوئے۔
مزید خبریں :
دن میں زیادہ وقت فون پر ویڈیوز دیکھنے کا حیران کن اثر دریافت
29 جنوری ، 2025
بنوں میں خاتون کے ہاں 5 بچوں کی پیدائش
28 جنوری ، 2025
کیا آپ نے کبھی کیلا کالی مرچوں کے ساتھ کھایا ہے؟ فوائد جانیے
25 جنوری ، 2025
کیا اونٹنی کا دودھ صحت کیلئے مفید ہوتا ہے؟ تحقیق کے نتائج جانیں
24 جنوری ، 2025
