02 فروری ، 2025 
کراچی: کالج کی طالبات سے لاکھوں روپے کے فراڈ میں ملوث ملزم کی خودکشی کی کوشش
02 فروری ، 2025
کراچی:گورنمنٹ ویمن کالج ناظم آباد کی طالبات سے فیس کی مد میں لاکھوں روپے کا فراڈ کرنے والے ملزم نے زہر پی لیا۔
تفتیشی حکام کی جانب سے بتایا گیا کہ ملزم کالج کا سپرنٹنڈنٹ تھا جس نے فیس کی مد میں طالبات سے 9 لاکھ روپے کا فراڈ کیا تھا۔
تفتیشی حکام نے بتایا کہ فراڈ میں ملوث ملزم نے زہر پی لیا ہے اور وہ تشویشناک حالت میں عباسی شہید اسپتال لایا گیا تھا، جس کی حالت اب خطرے سے باہر بتائی جارہی ہے اور اسے کل تک اسپتال سے ڈسچارج کردیا جائے گا۔
تفتیشی حکام کے مطابق کالج کی پرنسپل کی جانب سے مقدمہ درج کیا گیا تھا جس پر کارروائی کرتے ہوئے پولیس ملزم تک پہنچی۔
تفتیشی حکام کے مطابق ملزم جوہرآباد میں رہائشی عمارت کی چوتھی منزل پر رہتا ہے، پولیس جب ملزم کو گرفتار کرنے پہنچی تو ملزم نے چوہے مار دوا پی لی۔
تفتیشی افسر نے مزید بتایا کہ ملزم کو حفاظتی تحویل میں لے لیا گیا ہے اور پولیس بھی تعینات کردی گئی ہے، ملزم کے اسپتال سے ڈسچارج ہونے کے بعد اس سے بیان بھی لیا جائے گا۔
مزید خبریں :
لاہور میں گاڑی سے 18سالہ نوجوان کی لاش برآمد
7 گھنٹے پہلے
