03 فروری ، 2025 
کرم میں چند جگہوں پر شرپسندوں کے سروں کی قیمت مقرر کردی ہے: وزیراعلیٰ کے پی
03 فروری ، 2025
پشاور: وزیراعلیٰ خیبرپختونخوا علی امین گنڈاپور نے کہا ہے کہ چند جگہوں پر شرپسند ہیں جن کے سروں کی قیمت مقرر کی ہے تاکہ مسئلے کو جڑ سے ختم کیا جائے۔
پشاور میں گفتگو کرتے ہوئے وزیراعلی کے پی نے کہا کہ کرم میں قیام امن کے لیے حکومت نے سنجیدہ اقدامات کیے ہیں، قیام امن کی راہ میں روڑے اٹکانے والے شرپسندوں سے حکومت آہنی ہاتھوں سے نمٹے گی۔
انہوں نے کہا کہ بنکرز کرم میں قیام امن کے لیے مسئلہ تھے جنہیں روزانہ گرایا جارہا ہے، چند جگہوں پر شرپسند ہیں جن کے سروں کی قیمت مقرر کی ہے تاکہ مسئلے کو جڑ سے ختم کیا جائے۔
وزیراعلیٰ کے پی کا کہنا تھا کہ جرگے کے ذریعے مسائل کا حل نکالا ہے، چیلنجز بہت ہیں تاہم ہم ہر چیلنج کا مقابلہ کے لیے تیار ہیں، کرم میں جرگے کے ذریعے بڑے مسائل پر قابو پالیا گیا ہے، کرم کا 100 سال سے زیادہ پرانا مسئلہ ہے جو وقتاً فوقتاً اٹھتا رہا۔
وزیراعلیٰ نے مزید کہا کہ راشن کی 4 بڑی کھیپ کرم پہنچائی جاچکی ہیں۔
مزید خبریں :
پاکستان میں شرح پیدائش کم ہوکر 3.6 فیصد ہوگئی
26 منٹ پہلے
کرم امن معاہدے پر عملدر آمد کیلئے کمیٹیاں تشکیل
2 گھنٹے پہلے
