05 فروری ، 2025 
لوئر کرم کے بعد اپر کرم میں بھی بنکرز گرانے کا عمل شروع
05 فروری ، 2025
پشاور:کرم میں امن ومان کے قیام کے لیے بنکرز گرانے کا سلسلہ جاری ہے اور اب اپرکرم میں بھی بنکرز کی گرانے کا عمل شروع کر دیا گیا ہے۔
ضلعی انتظامیہ کا بتانا ہےکہ جرگے کے فیصلے کے مطابق ضلع کرم میں بنکرز گرانے کا سلسلہ جاری ہے اور لوئر کرم کے بعد اب اپر کرم میں بھی بنکرز گرانے جا رہے ہیں۔
ضلع انتظامیہ کے مطابق اپر کرم میں پیوڑ اورگیدو میں 2 بنکر گرا دیےگئے ہیں جبکہ لوئر کرم میں اب تک 28 بنکرز گرائے جا چکے ہیں۔
سرکاری ذرائع کے مطابق کرم میں بنکرز کی تعداد 250 سے زیادہ ہے جہاں اب تک 30 بنکرز گرائے جاچکے ہیں۔
خیال رہے کہ کرم میں امن کے لیے جرگے کے بعد اپیکس کمیٹی اجلاس میں کرم میں بنکرز ختم کرنے کا فیصلہ کیا گیا تھا اور یہ شق فریقین کے درمیان معاہدے میں بھی شامل کی گئی تھی۔
دوسری جانب کرم میں کھانے پینے کی اشیاء سمیت دیگر سامان کی ترسیل کے لیے قافلوں کی روانگی کا سلسلہ بھی جاری ہے۔
مزید خبریں :
خیبرپختونخوا میں میٹرک کے امتحانات ملتوی
2 گھنٹے پہلے
