05 فروری ، 2025 
گوگل جیمنائی کا نیا فیچر اینڈرائیڈ فونز میں اے آئی کا استعمال زیادہ بہتر بنا دے گا
05 فروری ، 2025
اب آپ اپنے اسمارٹ فون کی لاک اسکرین پر بھی کافی کچھ کرچکے ہیں اور گوگل کا آرٹی فیشل انٹیلی جنس (اے آئی) اسسٹنٹ جیمنائی آپ کی مدد کرے گا۔
گوگل کی جانب سے جیمنائی کو اپ ڈیٹ کیا گیا ہے جس کے بعد اینڈرائیڈ صارفین فون کو ان لاک کیے بغیر جیمنائی ایکسٹینشنز اور دیگر اے آئی فیچرز تک رسائی حاصل کرسکیں گے۔
جیمنائی کے ان لاک ورژن تک رسائی کے لیے آپ کو Hey Google بول کر فیچر ایکٹیو کرنے والے الفاظ بولنے ہوں گے یا سیٹنگز میں جاکر ایکٹیو کرنا ہوگا۔
اس سے پہلے جیمنائی استعمال کرنے کے لیے ڈیوائس کو ان لاک کرنا پڑتا تھا۔
مگر اب اس کی ضرورت نہیں ہوگی بلکہ آپ فون کو ان لاک کیے بغیر ہی اپنا کام کرسکیں گے۔
البتہ اس فیچر کے ذریعے آپ دیگر ایپس جیسے کیلنڈیا ای میلز سے پرسنل انفارمیشن کو حاصل کرنے کے لیے جیمنائی کو استمال نہیں کرسکیں گے۔
اس مقصد کے لیے فون کو ان لاک کرنا ضروری ہوگا۔
اس فیچر کے بارے میں رپورٹس کافی عرصے سے سامنے آرہی تھیں۔
دسمبر 2024 میں 9 ٹو 5 گوگل کی ایک رپورٹ میں بتایا گیا تھا کہ بہت جلد صارفین جیمنائی کی مدد سے فون کو ان لاک کیے بغیر کال کرسکیں گے یا ٹیکسٹ میسج بھیج سکیں گے۔
اس اپ ڈیٹ کا مقصد جیمنائی ایپ کے ذریعے روزمرہ کے کاموں کو فون ان لاک کیے بغیر کرنا آسان بنانا ہے۔
اس وقت یہ فیچر محدود صارفین کے لیے متعارف کرایا گیا تھا اب اسے جیمنائی ایکسٹیشنز کے ذریعے مزید بہتر بنایا گیا ہے۔
واضح رہے کہ گوگل کی جانب سے اینڈرائیڈ ڈیوائسز کو جیمنائی فیچرز کا ہب بنایا جا رہا ہے تاکہ اسے دیگر اے آئی اسسٹنٹس سے بہتر بنایا جاسکے۔
مزید خبریں :
2024 میں دنیا میں سب سے زیادہ فروخت ہونے والا فون کونسا رہا؟
04 فروری ، 2025
چیٹ جی پی ٹی میں ایک بہترین کارآمد ٹول کا اضافہ
03 فروری ، 2025
چین ایک اور اہم خلائی سنگ میل اپنے نام کرنے میں کامیاب
03 فروری ، 2025
بل گیٹس اپنے بچوں کیلئے کتنی دولت چھوڑ کر جائیں گے؟
03 فروری ، 2025
واٹس ایپ چیٹس کے لیے بہترین فیچر متعارف
02 فروری ، 2025
