07 فروری ، 2025 
علی امین پارٹی احتجاج اور جلسوں پر اب تک کتنے کروڑ خرچ کرچکے؟ تفصیلات سامنے آگئیں
07 فروری ، 2025
پشاور: وزیراعلیٰ خیبرپختونخوا علی امین گنڈاپور نے تحریک انصاف کے جلسوں اور احتجاج پر اب تک 50 کروڑ روپے خرچ کردیے۔
ذرائع کا بتانا ہے کہ وزیراعلی خیبرپختونخوا نے جلسوں اور احتجاج پر 50 کروڑ روپے سے زیادہ خرچ کیے جب کہ احتجاج کے دوران جلائی گئی مشینری اور دیگر نقصانات کی ادائیگی وزیراعلی نےاپنی جیب سےکی۔
ذرائع کا کہنا ہے کہ کل ہونے والے جلسے کے لیے بھی وزیراعلیٰ نے پارٹی کو 50 لاکھ روپے دیے ہیں جب کہ قافلے میں شامل سیکڑوں گاڑیوں کےکرایوں کی ادئیگی کردی گئی ہے، ڈی آئی خان ریجن سےکل بڑا قافلہ عمر امین کی قیادت میں صوابی پہنچےگا۔
اس حوالے سے ترجمان وزیراعلیٰ کے پی فراز مغل نےجیو نیوز سے گفتگو میں کہا کہ علی امین گنڈاپور نے اخراجات اپنی جیب سےادا کیے ہیں، کل ہونے والے جلسے کے لیے بھی وزیراعلیٰ نے فنڈ دیا ہے اور وہ پارٹی کے لیےکام کرتے رہیں گے۔
