09 فروری ، 2025 
گوگل سرچ میں اے آئی موڈ کا اضافہ کس کام آئے گا؟
09 فروری ، 2025
گوگل نے اپنے سرچ انجن میں ایک حیرت انگیز اضافہ کرنے کا فیصلہ کیا ہے۔
9 ٹو 5 گوگل کی ایک رپورٹ کے مطابق گوگل کی جانب سے سرچ انجن میں اے آئی موڈ کی آزمائش اندرونی طور پر کی جا رہی ہے۔
رپورٹ میں بتایا گیا کہ کمپنی کی ایک اندرونی ای میل سے معلوم ہوا کہ کمپنی کی جانب سے ملازمین کو گوگل سرچ میں اے آئی موڈ کو آزمانے کی دعوت دی گئی ہے۔
رپورٹ میں ایک اسکرین شاٹ بھی شیئر کیا گیا جس سے معلوم ہوتا ہے کہ یہ نیا ٹول اس وقت گوگل سرچ میں دستیاب اے آئی اوور ویوز فیچر کا سپر چارج ورژن ہے جس میں جیمنائی چیٹ بوٹ انٹرفیس کو بھی شامل کر دیا گیا ہے۔
ایسا محسوس ہوتا ہے کہ گوگل کی جانب سے جیمنائی اور اے آئی فیچرز کو اپنی تمام سروسز میں ہر جگہ شامل کرنے کا عمل جاری ہے۔
جیمنائی کو پہلے ہی ٹی وی سیٹس، اینڈرائیڈ، سرچ، گوگل ورک اسپیس اور خودمختار ایپ کے طور پر استعمال کیا جا رہا ہے۔
کچھ دن قبل گوگل کی جانب سے جیمنائی 2.0 فلیش کو بھی باقاعدہ طور پر صارفین کے لیے متعارف کرایا گیا تھا۔
رپورٹ سے عندیہ ملتا ہے کہ گوگل سرچ میں نیا اے آئی موڈ ایک ٹیب کی شکل میں ہوگا جو نیوز، امیجز، شاپنگ اور دیگر کے ساتھ موجود ہوگا۔
ابھی اس اے آئی موڈ کے بارے میں کافی کچھ معلوم نہیں مگر اسکرین شاٹ سے لگتا ہے کہ اس فیچر کے تحت صارفین کے سوالات کے طویل جواب دیے جائیں گے۔
مزید خبریں :
مارک زکربرگ دنیا کے دوسرے امیر ترین شخص بن گئے
5 گھنٹے پہلے
سائنسدانوں نے بلیک ہول کا ایک دلچسپ اسرار جان لیا
09 فروری ، 2025
