انٹرٹینمنٹ

کیا کامیاب ہونےکے بعدکپل شرما مغرور ہوگئے؟ دوست اور ساتھی اداکار راجیو ٹھاکرکیاکہتے ہیں؟

ویب ڈیسک

09 فروری ، 2025

کیا کامیاب ہونےکے بعدکپل شرما مغرور ہوگئے؟ دوست اور ساتھی اداکار راجیو ٹھاکرکیاکہتے ہیں؟ — کپل پر بہت زیادہ پریشر ہوتا ہے جو کہ لوگ نہیں سمجھتے،راجیو ٹھاکر،فوٹو: فائل

کپل شرما کا شمار بھارت کےکامیاب کامیڈین میں ہوتا ہے جن کا شو بھارت سمیت دنیا بھر میں مقبول ہے۔

کپل شرما نے یہ کامیابی راتوں رات حاصل نہیں کی بلکہ انہوں نے طول جدوجہد اور سخت محنت کے بعد یہ مقام حاصل کیا ہے۔

تاہم بھارتی میڈیا کے مطابق بعض لوگوں کی رائے ہےکہ کامیاب ہونے کے بعد کپل شرما مغرور ہوگئے ہیں۔

اس حوالے سے کپل شرما کے دوست اور ساتھی اداکار راجیو ٹھاکر کا ردعمل سامنے آیا ہے۔

ایک حالیہ انٹرویو میں راجیو ٹھاکر کا کہنا تھا کہ کپل پر بہت زیادہ پریشر ہوتا ہے جو کہ لوگ نہیں سمجھتے،کون دو ڈھائی گھنٹے طویل پروگرام کا اسکرپٹ یاد رکھ سکتا ہے؟ وہ کبھی نہیں اٹکتا اور ایسا کبھی نہیں ہوا۔

یہ بھی پڑھیں

راجیو ٹھاکر کا کہنا تھا کہ شو میں کپل کو بہت کام کرنا ہوتا ہے، اگر میں کپل کی طرح کامیاب اور مشہور ہوجاؤں تو میں تو ہوش کھو بیٹھوں۔کپل جس بہتر طریقے سے اپنی شہرت کو سنبھال رہا ہے ایسے کوئی نہیں کرتا، میں خود جو کہ کپل کے مقابلے میں 5 فیصد بھی کامیاب نہیں ہوں، لیکن کبھی کبھی مداحوں سے تنگ آجاتا ہوں، لیکن آپ دیکھیں کہ کپل کس گرم جوشی سے اپنے مداحوں سے ملتا ہے۔

انٹرویو میں راجیو ٹھاکر نے کپل شرما اور سنیل گروور کے درمیان ہونے والی لڑائی پر بھی بات کی۔

راجیو ٹھاکر کا کہنا تھا کہ اب ان دونوں کے درمیان کسی قسم کی رنجش نہیں ہے، یہاں کون نہیں لڑتا؟ اگر ان کے درمیان لڑائی سنجیدہ نوعیت کی ہوتی تو کیا آج وہ ایک ساتھ کام کر رہے ہوتے؟

راجیو ٹھاکر نے مزید کہا کہ پیسوں کے لیے انسان مل کر کام کرتا ہے لیکن اگر آپ سیٹ کا ماحول دیکھیں گے تو پتہ چلے گا کہ دونوں ایک دوسرے کے ساتھ کام کرکےکتنا انجوائے کرتے ہیں۔