16 فروری ، 2025 
دنیا
فلسطینی پرچم لہراتے ہزاروں لوگوں نے لندن میں امریکی سفارت خانے کے باہر مظاہرہ کیا/ فوٹو: غیر ملکی میڈیا
ٹرمپ کے غزہ منصوبے کیخلاف ہزاروں افراد کا لندن میں احتجاجی مارچ
16 فروری ، 2025
لندن: امریکی صدر ڈونلڈ ٹرمپ کےغزہ سے فلسطینیوں کی بےدخلی کے منصوبے کے خلاف ہزاروں افراد نے لندن میں احتجاجی مارچ کیا۔
غیر ملکی میڈیا کے مطابق ڈونلڈ ٹرمپ کے غزہ سے فلسطینیوں کی بےدخلی منصوبے کے خلاف لندن میں ہزاروں افراد نے احتجاجی مارچ کیا۔
فلسطینی پرچم لہراتے ہزاروں لوگوں نے امریکی سفارت خانے کے باہر مظاہرہ کیا جبکہ مظاہرین نے امریکی صدر اور اسرائیل کے خلاف قبضہ نہیں آزادی، غزہ برائے فروخت نہیں، نسلی صفائی نامنظور کے نعرے لگائے۔
واضح رہے چند دن قبل ڈونلڈ ٹرمپ نے غزہ کے حوالے سے اپنا منصوبہ بتاتے ہوئے کہا تھا کہ امریکا غزہ پر قبضہ کرلے گا جبکہ غزہ کےلوگوں کو کسی اور جگہ منتقل کیا جائے گا جس کے لیے اردن اور مصر سے بات ہورہی ہے۔
مزید خبریں :
متحدہ عرب امارات کے ویزا سے متعلق نئی ہدایات جاری
12 گھنٹے پہلے
